Accessibility links

дүшәмбе, 5 декабрь 2016, Казан вакыты 11:45

“Казанские ведомости” 25 iyün, “Известие” 27 iyün. Kinorejisser İdmas Ütägänov


Ädäbi äsärneñ näfis kinofil'm aşa keşe küñelenä ütep kerü buyınça tä'sire bik zur . Teatrlar , konsertlar belän çağıştırğanda kinofil'm ul sänğät'neñ iñ yuğarı basqıçında tora. Tatar mädäniäten , sänğäten yaratuçılarğa “Sezon yabılu” mizgele belän teatrlarnıñ , konsert zallarınıñ buşap qaluın , cäy köne närsä almaştıra soñ? Çönki şähärdä tormış cäy köne dä tuqtamıy. Balalar , uquçı yäşlär uqudan kanikullarğa tuqtadılar. Alarnıñ buş waqıtları kübäyde. Şähärneñ mädäniät sarayları, klubları yäşlärne üzlärenä tartıp tora. Öydä televizor, video, zamança “dividi” apparaturalar bulsa da, bala-çağanıñ, yäşlärneñ barıber kinofil'mnarnı kinoteatrlarğa barıp qarıysıları kilä. Nindi kinofil'mnar belän şatlandıra ala soñ cäy könne Qazan kinoteatrları?

Qazan buylap kitsäk, bügenge köndä kinoteatrlarda tatarça kinofil'm kürsätelmi ikän.

Ä bit “Казанские ведомости” gäzite 25 iyündä yazğan ide:“ Rossiä buyınça Soçida iyün başında uzdırılğan “Kinotavr” festivalendä “Küktaw” fil'mı iñ yuğarı büläkkä layıq buldı”,-dip. Häm yazmadan özek: Prodyusseru kartinı Svetlane Buxaraevoy bıl vruçen priz Gil'dii prodyusserov Rossii za luçşiy prodyusserskiy proekt. Pobednoe şestvie prodoljaetsya. Şulay uq , bu fil'mnıñ Çexiädä uzdırılğan Xalıqara festival'dä maxsus büläkkä layık bulğanı da bilgele bulsa da, tatarstanlılarnı barıber şaqqattıra almadı.

“Küktaw”isemle tatarça töşerelgän berençe milli näfis fil'm turında respublikanıñ tatarça çığa torğan gäzit-jurnallarında , rusça basılğan“Казанские ведомости” dän başqa bu mäğlümat çağıldırılmadı. Bu Çexiädä ütkän Xalıqara festival' turında da başqa xäbär işetelmäde.

Xäteregezdä bulsa, 2004 yılda iyül başında Qazan şähäreneñ “Organik” kinoteatrında , yäki “Ximiklar” mädäniät sarayında bu kinofil'mnı kürsätkännär ide. Ämma xalıq bik az buldı . Qaysıber mäğärif uçrejdenielärendä mondıy xäl balalarnıñ kanikul waqıtında lager'lärdä buluı belän bäyle dip añlatqannar ide. Ä festival'dä bilgele bulğança “Küktaw” fil'mınıñ byudjetı 3,5млн rubl',- ikäne bilgele bulğaç ta, ber aptırağan keşe dä bulmadı. Festival'dä Tatarstan delegatsiäsenä tağın ber soraw birgännär : Sezdä niçä näfis fil'm töşerelä soñ,- dip? -Başqa töşerelgäne yuq, - digängä, ışanuçı bulmağan. Nik ışansınnar soñ?

27 iyündä “Известие” gäzitendä basılğan Anton Pomeşçikov xäbärendä bıyıl, 2005 yılda Mäskäw şähärendä Kinofestival' uzdırır öçen federal' byudjettan bülengän 72 mln rubl' citmägäç, aña tağın 21млн rubl' östärgä sorap RF xökümäte utırışında mädäniät ministrı Aleksandr Sokolov çığış yasağan.Utırışta ul sorağan summanı Bülep birergä!- dip qarar qabul itelgän. Yılamağan balağa imçäk birmilär , ä xäyläkär bozaw ike sıyırnı imä digän mäqälgä oşap tora .

Bügenge köndä balalarğa Tatarstanda çınnan da “Küktaw” dan başqa tatar telendä töşerelgän ber näfis kinofil'mda yuq meni soñ ul ?-digän sorawnı bez TR atqazanğan sänğät eşleklese kinorejisser İdmasÜtägänovqa birdek.Ul menä närsälär dide: “Quqtaw” kinofil'mı ul balalar öçen tügel , olılar öçen eşlängän kinofil'm. Annan soñ bu kinofil'mğa reklama oyıştırılmadı. Mäskäwdä andıy zur kinolarnı 3,5$ mlnğa töşerälär, ä 3, 5mln rubl'gä tügel. Könbatışta reklamağa 40% aqça kitä. Bezdä kinoğa yılğa 5mln sum aqça birälär, ä Başqortstanda 200 mln. Küpme belgeçlär eşsez yöri – Matorov, Nazmiev häm başqalar. Ğalimcan İbrahimovnıñ “Almaçuar”ı buyınça Matorovnıñ bik yaxşı ssenarie bar ide. Aqça yuq,-dip, kire qaytardılar.1993 yılnı Ğayaz İsxaqinıñ “Zöläyxa”sın quymaqçı bulğan idem, anı citäkçelär “vrag naroda”, - dip röxsät birmädelär.

Yaña ğasırda yañaça eşli başlağaç, kinofil'm çığarırlıq aqça tabıldı, dimäk. “Başlağan eş- betkän eş”,- digän äytem bar xalıq telendä. Xäzer Tatarstannıñ soñğı yıllarda töşerelgän ike tatar kinofil'mı bar.Berse “Küktaw” ikençese “Zöläyxa”. Şulay bulğaç, tamaşaçığa äle ömetlänergä urın bar.

Azatlıq radiosı Mälikä Basıyr , Qazan.

XS
SM
MD
LG