Rim. Londondağı şartlawlar sürätendä İtaliä politsiäse Milan şähäre häm anıñ tirälärendä ike könlek iminlek tikşerüläre ütkärep 142 keşene qulğa aldı. Cirle karabinerlar başlığı general Antonio Girone bügen xäbär agentlıqlarına, Lombardy töbägendäge timer yul vokzalları, metro häm başqa şundıy möhim urınnarda uzğan tikşerülärdä 2 meñläp karabiner qatnaştı dip belderde. General süzlärenä qarağanda, töp iğtibar Milan şähärenä birelgän. Ul arada bügen Rimdä Fiumicino xalıqara hawa alanınıñ ber öleşe xalıqtan arındırılğan, anda Britaniä, İzrail häm Quşma Ştatlarnıñ hawa şirkätläre eş itkän urında şikle törgäk tabılğan bulğan. Hawa alanınıñ qalğan öleşendä ğädäti eş däwam itkän.
