Accessibility links

пәнҗешәмбе, 8 декабрь 2016, Казан вакыты 03:10

Sarayevo Srebrenica wäxşäten iskä ala


Sarayevo. Meñnärçä keşe bügen Bosniä başqalasınıñ töp uramına çığıp, 1995-nçe yılda Srebrenica şähärendä yuq itelgän 8 meñläp möselmannı iskä aldı. Sarayevo uramnarı buylap şul çordağı 610 qorbannıñ cäsadı quyılğan yök maşinaların ütte, alar Srebrenica tiräsendä kiläse düşämbedä açılaçaq xäter ziratında cirlänäçäk. 1995-nçe yılnıñ yülendä Bosniädä möselmannarı yäşägän şul şähär serb köçläre tarafınnan yawlap alınğaç anda 14 häm 75 yäş arasında bulğan 8 meñ möselman ir-yegete üterelgän ide. Alarnıñ mäyetläre Srebrenica tiräsendäge 60-lap urında kümelde. Serb millätçeläre elekke Yugoslaviä cirlärendäge suğışlarda xalıqnı qoru öçen cawaplılıq serb köçlärendä yata digän däğwanı kire qağa, bügen alar Belgradta şul suğışlarnıñ serb qorbannarın iskä alu çarasın ütkärde.

XS
SM
MD
LG