Pekin. Üz eçenä Aziädäge barlığı 4 ilne alaçaq säfären başlap amerikan däwlät sekretare Condoleezza Rice bügen Qıtay başqalasına kilde. Anıñ Pekindäge oçraşuları üzägendä Tönyaq Koreäneñ atom ımsınuları toraçaq. Rice Qıtay citäkçeläre belän yäkşämbedä oçraşa, annarı ul Thailand, Yaponiä häm Könyaq Koreägä baraçaq. Elegräk Rice xäbärçelärgä, Pekin söyläşüläre waqıtında Qıtaynıñ keşe xoquqları ölkäsendäge citeşsezlekläre mäs'äläsen dä kütärergä, bu uñaydan Washingtonnıñ borçuların citkerergä cıyınuın äytkän ide.
