Ufa. Başqortstan citäkçelege Rusiäneñ Federatsiä Şurasın elekkeçä tözüne, yäğni anıñ töbäklärdäge başqarma häm qanunçığaru tarmaqları citäkçelärennän toruın yaqlıy. Başqortstannıñ Däwlät cıyılışı räise Konstantin Tolkaçev üzeneñ, şundıy täqdim belän çıqqan prezident Mortaza Räximovnı tulısınça yaqlawın äytte. Comğa könne Ufada uzğan matbuğat oçraşuında ul, xäzerge tösle saylanğan wäkillärdän genä qorılğan Federatsiä Şurası töbäklärneñ mänfäğäten yaqlarlıq xäldä tügel dip belderde.
