Accessibility links

чәршәмбе, 7 декабрь 2016, Казан вакыты 11:57

Qırğızıstanda prezident saylawları


Qırğızıstanda bügen barğan prezident saylawlarında 6namzät yarışsa da älege waqıtta prezident wazıyfasın ütäwçe Kurmanbäk Bakiyev ciñep çığaçaq dip kötelä. Bügenge saylawda kem tügel ä başqa sorawlar ähämiät üzägenä kütärelä.Qırğızlar tawış bürügä küpläp qatnaşamı, saylawlar irekle ğädelme. Ägär dä yaña xökümät ilne stabillaştıru öçen xalıqnıñ yaqlawın alırğa teli ikän äytep kitkän şartlar ütälergä tieş.Mart ayında eleke prezident Asqar Akayev uram cıyınnarı belän urınınnan çitläşterelgännän soñ Qırğızstanda çağıştırmaça tınıçsızlıq xökem sörä.

Saylaw räsmiläre xalıqnı tawış birügä cälep itü öçen tawış birü punktları aldında konsertlar oyıştırdı.(audio) Alar törle yullar belän saylawçılarnıñ sanın artırırğa tırışa. Tawış birü puktları ğädättägedän ber säğät irtäräk açıldı häm ber säğät sonraq yabıla.Urnalar irtänge 7 belän kiçke 9 arasında açıq buldı. Prezidentlıq wazıyfasın ütäwçe Kurmanbek Bakiyev üzäk Bişkäktä tawış birgännän soñ esse cäy sezonı buluğa qaramastan saylawlarğa küpläp keşe qatnaşaçaq,xalıq miña saylaw aldı cıyılışlarında wäğdä itte dip tınıçlandırdı. Ul tağı bolay dide:

Bakiyev(audio)

Bäysezlek alğannan birle bu saylawlar süzneñ çın mäğnäsendä saylaw bulıp tora.Bu inde Qırğızıstannın här watandaşınıñ terkälgän namzätlärneñ bersen saylarğa xoquqı bar digän süz. Ber kem basım yasamıy , kisätmi yäki kiñäş birmi.

Saylawlarnı meñ küzätüçe qarap bara. Saylawlar waqıtnda 300çaması çit il jurnalistına eşläw öçen akriditatsiä birelgän.Küzätüçelärneñ qayberläre misal öçen Demokratiä häm Sivil Cämğiät öçen Koalitsiäneñ küzätüçese Bermet Abdüşukurova Azatlıq xabärçesenä (audio) eşlär normal bara digän.Tawış birep çıqqan saylawçılarnıñ kübese bezneñ xabärçegä Bakiyev öçen tawış birülären beldergän.(audio) Ni öçen digän sorawğa alar, tormış yaxşılanır dip ömed itäbez , ul bik keşelekle , totrıqlılıq bulır tormış yaxşılanır kebek cawaplar birgän. Hönäre buyınça elektr injinerı bulğan Bakiyev mart ayında parlament tarafınnan waqıtlıça prezidentlıq wazıyfaların ütär öçen bilgelände. Bakiyev üzeneñ töp köndäşe iminlek köçläreneñ eleke başlığı Felix Kulovnı saylawlarğa qatnaştırmadı .Ul üze ciñgän oçraqta Kulovqa premyerlek qultığın wäğdä itte. Üzäk saylaw komissiäse cirle waqıt belän kiçke 5tä tawış birergä xoquqlılarnıñ 50%tan artığı urnalarğa kilde, saylawlar qanuni dip belderde. Ämma prezidentlıqqa namzätlärneñ başkwartiralarınnan törle şiqäyätlär dä işetelde.Misal öçen namzät Tursunbay Bakir Uulu qayber tawış birü puktlarında tawış birüçelärneñ ikençe märtäbä tawış birüen buldırmas öçen barmaqlarına yuulmı torğan buya sörtelmägän dip äytkän Könyaqta Qara su şährendä tıyılğan Hezb ut Tahrir oyışması saylawlarğa boykot iğlan itergä çaqırğan möräcäğätlär taratqan färidä xämit
XS
SM
MD
LG