Accessibility links

шимбә, 10 декабрь 2016, Казан вакыты 09:57

Qazandağı qırğızlar da Prezidentların sayladı


Tatarstanda häm kürşe Rusiä töbäklärendä yäşäwçe qırğızlar, ütkän yäkşämbe könne Qırğızstan Prezidentın sayladı. Rusiäneñ ber niçä şähäre belän bergä, Qazanda da saylaw urını oyıştıralğan ide. Saylawlarğa qädär, Qazanğa ber niçä tapqır Qırğızstan ilçelege, ul respublikanıñ saylaw komissiäläre wäkilläre kilep, oyıştıru eşlären alıp bardı. 10 yul irtäsendä Tatarstanda häm kürşe töbäklärdä yäşäwçe qırğızlar, Bişkäktäge millättäşläre belän ber uq waqıtta, Prezident saylawlarına kilde. Saylaw urını Qazanda Xalıqlar duslığı yortında oyıştırıldı. Tawış birü irtänge 7-de açıldı häm kiçke 9ga qädär eşläde. Komissiä utıra torğan bülmädä 6 nämzät turında da 2 teldä mäğlümat elengän ide. Kergän cirdä, qırğız köyläre yañğırap tordı, bufetta pärämäçlär belän bergä sumsalar da täqdim itelde. Saylaw komissiäse başlığı Satıbaldı Mamıtov äytüenä qarağanda, cirle qırğız cämğiäte yıraqtağı watanğa yärdäm itü mömkinlegen bik quanıp qabul itkännär. Saylaw urını ezlägändä, Qırğızstan ilçelege millättäşlär kübräk yäşi torğan şähärgä, yäğni Qazanğa tuqtalırğa bulğan. Tatarstan eçke eşlär ministrlığı birgän mäğlümatlarına qarağanda, respublikada 1 meñgä yaqın Qırğızstan watandaşı yäşi. Qırğız cämğiäte wäkile süzlärençä, Qazanda yäşäp alar watannarında bulğan inqilabnı da, annan soñğı xällärne dä, Prezident saylawlarına äzerlekne dä, internet aşa daimi küzätep barğan. İnde saylawlarda qatnaşırğa mömkinlek tuğaç, bu eşkä böten cawaplılıq belän qararğa bulğan. Saylaw komissiäse başlığı Satıbaldı Mamıtov süzlärençä, irtänge 7dedän uq, saylawçılar kilgän, mäsälän İcawdan ber törkem qırğızlar tawış birgän, Tübän Kama häm Çallıdan da külüçelär bulğan. Qırğızlar bu saylawnı bäyrämgä tiñläp, ber bersen «mäyräm menän» dip, qotlaşıp yörgän. Xalıqara küzätüçe sıyfatında sawlarda bulğan «Ala-too» qırğızlar fondı citäkçese Sariev Zakir äfände, ganun bozular bulmağanın häm saylawlarda qullanılğan yaña texnologiälär turında äytte. Biredä, ütä kürenmäle urna bulğan. Här keşeneñ barmağına tössez sıyıqça siptergännär. Ul lapma astında barmaqnı zängär itep kürsätä toğran sıyfatqa iyä. Şulay, här kergän keşeneñ barmaqların tikşerep, biredä här saylawçınıñ ber genä tapqır saylawın küzätep tordılar. Tawış birep çıqqan qırğızlar belän söyläşep aldıq. Alarnıñ äytüençä, bu saylawlar qırğızlarğa watannarınıñ tormışında beraz qatnaşu mömkinlege belän bergä, oçraşıp söyläşer öçen ber säbäp tä bulğan. Saylaw komissiäse mäğlümatlarına qarağanda, 10 yul könne barlığı 1069 keşe tawış birgän. Alar arasında Tatarstan, Udmurtiä, Maril El, Çuaşstan respublikasında yäşäwçe qırğızlar bulğan. Saylawlar näticäläre, Qırğızstandağı yomğaqlardan ällä ni yarılmıy. 1069 keşedän 823 – Qurmanbäk Baqiev öçen tawış birgän, 130 keşe – Tursunbay Baqır ulın saylağan. Tawış birgän Qırğızstan watandaşlarınnan - 7 keşe «barısına da qarşı» tawış birgän.

XS
SM
MD
LG