Accessibility links

Кайнар хәбәр

Qırğızstan prezidentı itep Qormanbäk Bakiyev saylandı


Kiçä Qırğızstanda uzğan prezident saylawlarında ciñüçe itep Qormanbäk Bakiyev iğlan itelde. Elekke ilbaşı Askar Akayev wazifasınnan kitkännän birle Bakiyev waqıtlıça prezident wazifaların ütäp tordı. Xalıqara küzätüçelär uzğan saylawlarnı Qırğızstanda demokratiä häm ğadel tawış birü yulında alğa kiteş dip bäyäläde. Demokratiä häm sivil cämğiät koalisiäse başlığı Edil Baysalov, saylaw näticäse, ğömüm alğanda, xalıq telägen çağıldırdı, dip belderde. Qormanbek Bakiyev matbuğat oçraşuında, saylawlarnıñ uñışlı ütüe, qırğız xalqınıñ demokratiäne üsterü telägen kürsätte. İkençe urında Bakiyevnıñ 5 köndäşeneñ berse – Tursunbay Bakir-Uğlu kilde. Saylawlardan soñ oyıştırğan berençe matbuğat oçraşuında Bakiyev, prezidentnıñ wäkälätlären kimetü kiräklege mäsäläsenä tuqtaldı, tizdän Feliks Kulovnı premyer wazifasına täqdim itäçägen belderde. Şulay uq ul kiläçäktä amerikan xärbi bazasınıñ kiräklegen şik astına quydı. 2001nçe yılda Äfğanstandağı xärbi çaralar öçen tözelgän xärbi nığıtma turında andağı xällär totrıqlana başlağaç yañadan söyläşülär uzdırırğa kiräk, dide Bakiyev.
XS
SM
MD
LG