Könyaq Korea, Pxenyan atom qoralı citeşterüdän baş tartqan oçraqta Tönyaqnı elektr utı belän tämin itüne wäğdä itkän. Könyaqnıñ berläşü ministrı Çung Dong-Yang süzlärenä qarağanda, täqdim itelgän elektr energiäse Tönyaq planlaştırğan atom stansiäläre energiäsenä tiñ bulaçaq. Uzğan şimbä könne Pxenyan kötelmägändä 25 yüldä söyläşülärne yañartırğa täqdim itte. Söyläşülärgä äzerlek qısalarında bügen Amerika Quşma Ştatları häm Rusiä diplomatları oçraştı. Qıtay prezidentı wäkile Tang Jiasan Pxenyanğa kitte. Aziä säfärendä yörgän amerikan däwlät sekretare Condoleezza Rice bügen Tokyodan Könyaq Korea başqalası Seulğa kilde.
