Britaniä polisiäse xäbär itüençä, uzğan atnadağı şartlawlarnı tikşerü maqsatında bügen ilneñ tönyaq-könçığışında 5 yort tikşerelgän, ämma ber keşe dä qulğa alınmağan. Pänceşämbe könne London metrosınıñ 3 vagonında häm ike qatlı avtobusta şartlawlar buldı, kimendä 52 keşe ülde. Amerika Quşma Ştatlarınıñ xärbi hawa köçläre üz xezmätkärläreneñ Londonğa barunı çikläw turındağı färmanın bügen köçtän çığardı. Angliäneñ könçığışında amerikan hawa bazasında meñlägän keşe xezmät itä. İminlek säbäplärennän AQŞ ilçelege alarnıñ Londonğa baruın tıyğan ide.
