Accessibility links

җомга, 2 декабрь 2016, Казан вакыты 21:09

Yevropa Berlegeneñ köntärtibendä terror mäsäläläre tora


Sişämbe könne Yevropa Parlamentınıñ tışqı Mäsälälär Komitetı aldında çığış yasağan Britaniä tışqı eşlär ministrı Jack Straw Londonnıñ Berlek prezidentı bulıp toraçaq kiläse 6 ay eçendä planlaştırğan eşläre turında söyläde.Straw terrorğa qarşı suğışta ayrım şäxes häm cämğiätlärneñ xoquqların yañadan bäyäläw mäsäläsenä basım yasadı. Ul şulayuq Berlek konstitutsiäse tiräsendäge krizis kiñäyü protsesına täsir itmäskä tieş dide

1.iyülden 6 ay buyı Yevropa Berlegeneñ prezidentı bulıp toraçaq Britaniä Londondağı terror höcümennän soñ prioritetların üzgärtergä mäcbür buldı .Terrorğa qarşı suğış Britaniä alğa sörgän temalardan berse genä ide. Ämma bu mäsälä xäzer köntärtibeneñ in başında tora. Britaniä xökümäte Berlekneñ yustitsiä häm eçke eşlär ministırların çärşämbedä Brüsselğa aşığıç cıyılışqa çaqırdı.Britaniä tışqı eşlär ministırı kiçä Yevropa Parlamentınıñ tışqı Mäsälälär Komitetındağı çığışında terrorğa qarşı yaña çaralar täqdim itmäde. Ul bu eşne eçke eşlär häm yustitsiä ministırlarına qaldırdı.Alar bügen Yevropa Berlegendä telefon söyläşüläre e-mael yazışuların ozaq waqıt saqlap totu turında kiñäşläşä. Straw Britaniä xoquq saqlaw oyışmalarınıñ eşen tizlätü öçen sivil irekleklärne yañadan küzdän kiçerü yağında tora dip işarä itte.

Straw(audio)

Bez ayrım keşe häm cämğiätlärneñ xoquqların ayırğan sızğını , yañadan bilgelergä tieşbez.Bu turıda minem dä fikerlärem bar. Äle bulğan xällärne küzdä totıp, Yevropa deputatlarınıñ qayberlärenä bu turıda kileşügä ireşerbez digän ömettä qaluımnı äytäm.

Straw terorğa qarşı köräş belä bergä Yevropa Berlege Äfganstan kebek illärgä yardämen däwam itärgä tieş dip äytte. Äfganstan elek tä äledä terrorçılar öçen uñay urın , andağı terrorçılarnıñ bik kübese Yevropa illäreneñ möselman xalqı arasınnan cälep itelgän.

Straw(audio)

köç qullanılğan cihad , başqaların terror aşa üterü naçar tügel ä yaxşı eş, cännätkä yul aça dip miläre yuılğan yäşlärneñ fikerlären niçek üzgärtäçäkbez. Cawabı bez moñı eşlärgä tieş.Şunın öçen bez Äfganstan häm Pakistanda aktivlıq alıp barırğa, sonğı yıllarda Äfganstandağı lagerlarda Taliban tarafınnan künegüdän ütkärelgän dönyanıñ açuın çığarğan terroristlarnıñ bik kübesen anda tabaçaqbız dip uylım

Straw üzeneñ möselman mäsälälärenä bik iqtibar belän qarauın üzeneñ saylanğanBritaniäneñ tönyaq Könbatışında bik küp pakstanılarnıñ yäşäwen häm bülgädä 30mäçit buluın äytkän Yevropa Parlamentı deputatları Strawdan terrordan başqa sorawlar da birde. Alarnıñ berse : konstitutsiä tiräsendäge krizis yäğni anıñ Fransiä häm Niederlandtağı referendumnarda kire qağıluı Berlekneñ kiñäyüenä tiskäre täsir yasıymı. Briatniä kiñäyüene nıq yaqlağan illärdän berse Straw Berlek Bolgarstan, Rumıniä şulayuq Xorvatie häm Törkiägä birgän wäğdälären ütärgä tieş dip här daim qabatlap kilä.Straw bigräk tä Törkiä mäsäläsenä basım yasap Bolay dide:

Straw(audio)

Törkiäneñ Yevropa Berlegenä kerüe bik möhim . Dönya totrıqlı tügel.Törkiäneñ kiläçäge yä könçığışta yä könbatışta.Bezneñ mänfäğätlärebez şulayuq Törkiä öçen qaysı yaxşıraq dip sezdän sorım?

Straw Berlekneñ Copenhagen kriteriälären ütägän namzät Törkiägä ber nindi diskriminatsiä yasalmasqa tieş dide Törkiä belän äğzalıq söyläşüläre üktäberdä başlanırğa tieş. Fransiä, Avstriä häm Niederland söyläşülärne kiçekterü yulların qarıy. Straw Britaniä alda torğan yöklämälär ütälgännän soñ Berlekneñ tağı da kiñäyü fikeren älege waqıtta yaqlamıy dide.Britaniäneñ Berlek prezidentlığı waqıtında tışqı säyäsät prioritetları arasında: Fälästin däwläten oyıştıru, İran belän atom söyläşülärenä däwam itü häm Berlekneñ Ğıraqqqa birgän wäğdälären ütäw.Ul şulayuq G-8lärneñ ütkän atnadağı qararlarınnan tış Afrika öçen ozın möddätle strategiä täräqi ittermäkçe färidä xämit
XS
SM
MD
LG