Accessibility links

шимбә, 3 декабрь 2016, Казан вакыты 05:36

Britaniä kiçekmästän terrorğa qarşı yaña çaralar kertergä çaqıra


Britaniä premyer-ministrı Tony Blair parlament äğzaläreneñ uzğan atnadağı terror ğämälläre turındağı sorawlarına cawap birde. Xökümät başlığı terrorğa qarşı yaña çaralar wäğdä itte, möselman cämäğätçelege belän xezmättäşlek itäçäkbez, dide. "Bez bu äfätkä qarşı köräşne möselman cämäğätçelege belän berlektä alıp baru yulların ezlärgä cıyınabız, möselman yulbaşçıları belän. Häm bu eşne kiçekmästän başlıyaçaqbız. Axırğı çiktä bu eşlär möselmannarnıñ üzlärenä fayda ğına kieträçäk, alarnı yaqlayaçaq, bez monı eşliäçäkbez" dide Blair. İlneñ mäğümat çaraları, terror ğämällären Britaniädä tuğan 4 paqstanlı başqarğan dip xäbär itte. Britaniäneñ iminlek ministrı Charles Clarke süzlärenä qarağanda, alarnıñ 4se dä intixarçı bulğan, polisiä xäzer alarğa yärdäm itkän keşelärneñ ezli. İtaliä polisiäse bügen ilneñ berniçä şähärendä İslam häm Tönyaq Afrika cämğiätlärendä tikşerülär uzdırdı. Çaranıñ maqsatı İtaliädä terror höcümnären buldırmaw. Bügen İtaliädä şulay uq ber Tunis häm 1 Morocco watandaşı xalıqara terror oyışmalarına qatnaşı buluda ğäyeplänep 4 yıl häm 8 ayğa qadär törmä cazasın aldı.

XS
SM
MD
LG