Accessibility links

җомга, 9 декабрь 2016, Казан вакыты 20:30

Tatarstan Däwlät Gimnı qabul itelügä 12 yıl tuldı


Tatarstan Konstitutsiäsenä küz salsaq:Tatarstan Konstitutsiäseneñ 121 matdäsendä Tatarstan Däwlät gimnı turında şundıy süzlär yazılğan:

“Tatarstan respublikasınıñ Däwlät gerbı, Däwlät flagı, Däwlät gimnı – Tatarstan respublikası suverenitetın, Tatarstan xalqınıñ üzençälegen häm traditsiälären çağıldıruçı räsmi simvolları bar. Tatarstan respublikasınıñ däwlät simvolların taswirlaw häm alarnı qullanu tärtibe Tatarstan Respublikası zakonı belän bilgelänä.

Bu uñaydan bez Tatarstan Respublikasınıñ däwlät simvolikasınıñ 18 matdäsenä küz salabız. Anda “Tatarstan respublikasınıñ Däwlät gimnı - kompozitor Röstäm Yaxinnıñ muzıkal'' äsärennän ğibärät. Tatarstan respublikası Däwlät gimnınıñ muzıkal'' redaksiäse Tatarstan Respublikası Däwlät sovetı tarafınnan raslana , häm Tatarstan respublikası Yuğarı Sovetınıñ 1993 yılnıñ 14 yülendäge qararı (3кушымта) belän raslanğan gimnnıñ muzıkal'' redaksiäsendä tögäl başqarıla.” dip yazılğan.

Şunnan soñ bez Tatarstan Däwlät Sovetı deputatı, Tatarstannıñ xalıq şağire Renat Xarisovnı, anı “Aqqoş küle” yazlığında yal itkän çağında tabıp , anıñ Däwlät gimnın niçek saylap alğannarın, häm ni öçen Tatarstan gimnı süzsez buluı turında anıñ fikerlären soraştıq:

audio

“Respublikabızda bik küp törle xalıq yäşi, alar törle teldä söyläşälär, törle din totalar, häm respublikada tigez xoquqlı ike däwlät tele bulu säbäple,( tatar tele häm rus tele) qaysı teldä aldan başqarırğa, häm küpme başqarırğa dip uylaştıq ta, häm 50% illärneñ gimnı süzsez buluın isäpkä alıp, bez süzsez gimn qabul ittek”,- dide ul.

Şunnan soñ bez uramğa çığıp Däwlät gimnı turında ğadi keşelärneñ respublika gimnına mönäsäbäten , şulay uq sport yarışlarında Tatarstan gimnı başqarılğanda nindi toyğılar kiçerüläre turında fikerlären beldek. Alarnıñ arasında ölkännär: yäşlegebezne iskä töşeräbez, räxätlek, häm mullıq toyabız, xäzer ähämiäte qalmadı inde” didelär; tatarça söyläşkän yäşlär : “ğorurlıq xisläre kiçeräbez” didelär. Ä qayberläre , çit yaqlarında ozaq yıllar buyı eşläp qaytqannar: “ber tapqır da işetkänebez yuq”, ä rus yegetläre; tıñlağanım da yuq, min tik Rossiä gimnın ğına tanıym ,- dip cawap birde.

Ägär dä bezneñ gimnnı, flagnı , yäğni gerbıbıznı kem dä bulsa yaman niät belän mäsxäräli ikän, anı kem yaqlıy?- digän sorawğa, Renat Xaris bolay cawap birde:

“Rossiäneñ cinayät kodeksı ul keşene cawaplıqqa tartmıy, ä ul keşe Tatarstan Zakonı buyınça zakon nigezendä cawaplıqqa tartıla”,-dide ul. Şulay itep 12 yıl buyı här irtädä radio aşa yañğıratuçı Tatarstan gimnınıñ tuğan könnäre 13-14 yül könnäre. Ä menä gimnnıñ süzläre äle raslanmağan .Monısı inde şiğriät belän tügel, ä säyäsät belän bäyle.

Mälikä Basıyr, Qazan.

XS
SM
MD
LG