Accessibility links

якшәмбе, 4 декабрь 2016, Казан вакыты 21:32

Vladimir Putin "Tatarstan"da buldı


Tatarstannıñ häm Federal Üzäkneñ üz ara wäqälätlär almaşuı turındağı federal qanun turında haman da ber närsä dä bilgele tügel. Däwlät Şurası deputatı Razil Wäliev äytkänçä, şartnamä terälep qalğan tel mäs’äläse, 1000 yıllıqqa qädär arada xäl itelergä mömkin. Belgänegezçä, Rusiä Prezidentı Vladimir Putinnıñ avgust axırında Qazanğa kilüe kötelä.

Ä 14 yul könne Rusiä Prezidentıñ «Tatarstan»da buluı turında böten mäğlümat çaraları xäbär itte. Tögälräk äytkändä, Rusiä Prezidentı «Tatarstan» digän Kaspiy flotınıñ baş korabında bulıp kitkän. Ästerxan ölkäsendä iminlek mäs’älälärenä bağışlanğan cıyılış ütkän häm Vladimir Putin şuşı «Tatarstan» korabında älegä cıyılışta qatnaşuçılar belän oçraşqan, dip xäbär itä «İnterfax» ağentlığı. «Tatarstan» kebek flagman korab, Yaşel üzän köymä tözüçelärenä yaxşı tanış. Bu xärbi köymä, Yäşel Üzän şähärendäge şirkättä, Rusiä Saqlanu ministrlığı zakazı belän eşlängän ide. Ber niçä yıl elek «Tatarstan» korabı Kaspiy flotına birelde. 2002 yılda Kaspiy diñgezendä xärbi manevrlarda şuşı korab Rusiäneñ xärbi äzerlegen sınawında qatnaştı. Anda Tatarstan Prezidentnı da bulğan ide. Ul waqıtta, Rusiä Saqlanu ministrı Tatarstan korabın, Rusiä flotınıñ flagmanı, dip atadı häm Yäşel üzän koymä tözü şirkäte öçen tağı da korab tözergä zakazlar birüne wäğdä itkän ide. Ämma annan soñ, yaña korablarnıñ safqa basuı turında işetelmäde.

XS
SM
MD
LG