Accessibility links

шимбә, 3 декабрь 2016, Казан вакыты 22:50

"Tatarstanda" Kaspi buyında terrorğa qarşı xezmättäşlek turında söyläşülär uzdı


Bügen Dağıstan belän çiktäş Ästerxan ölkäsendä Rusiä prezidentı Vladimir Putin çik buyı häm iminlek xezmäte wäkilläre belän oçraştı häm Dağıstandağı wazğiätne totrıqlı xälgä qaytarırğa wäğdä itte. Soñğı waqıtlarda Dağıstanda milisiägä höcümnär arttı. Prezident Putin bügen Ästerxanda Kaspi flotınıñ iñ zur xärbi korabı bulğan Tatarstan isemle xärbi köymädä Kaspi däwlätläre wäkilläre belän terrorğa qarşı köräş turında söyläşülär uzdırdı. Rusiäneñ Kaspi xärbi diñgez flotı vise-admiralı Yuri Starsev süzlärenä qarağanda, oçraşuda süz xärbi diñgez köçläreneñ terrorğa häm narkotiklarnıñ taraluına qarşı köräşkä üz öleşen kertüe turında barğan. Kaspi buyındağı däwlätlär – Rusiä, Azerbaycan, Qazaxstan, Törkmänstan häm İrannıñ urtaq mäsäläläre küp, dide prezident: "Tirä-yaq möxit, narkotiklarnıñ cäyelüenä häm terrorğa qarşı kebek mäsälälärdä bez här waqıt diärlek xezmättäşlek itäbez, şulay uq urtaq iqtisadi maqsatlarıbız bar," dide Putin. Çeçnyada parlament saylawları noyaberneñ 27senä bilgelände. Bu xaqta Mäskäwdä xökümät utırışında töbäklär tärräqiäte ministrı Vladimir Yakovlev belderde.

XS
SM
MD
LG