Accessibility links

җомга, 9 декабрь 2016, Казан вакыты 14:39

Fälestinnär citäkçese köç qullanu çılbırın özergä çaqıra


Yaqın Könçığışta artıp kitkän köç qullanu sürätendä fälestinnär citäkçese Mähmüd Abbas bügen Gaza şähärendä fälestin säyäsi köçläre wäkilläre belän oçraştı. Sişämbe könne bulğan atışlarğa qaramastan, Hamasnıñ säyäsi citäkçese Xaled Maşaal, Hamas häm tağın berniçä oyışma, şul sanda İslam Cihad xäräkäte dä İzrael belän atışlarnı tuqtatu turında kileşügä äzer, dip belderde. Sişämbe könne fälestinle intixarçı Netanya şähärendä üz üzen şartlattı, 5 keşe häläk buldı. Höcüm öçen cawaplılıqnı üz östenä İslam Cihadı aldı. İkençe könne İzrael Könbatış Yardağı Tulkarm şähärenä kerep ber fälestin polisiäse xezmätkären atıp üterde. Bügen İzrael ğaskärläre Nablus şähärenä kerde. Töbäktä säfärdä bulğan Germaniä tışqı eşlär ministrı Yoşka Fişer belän bulğan oçraşudan soñ Mähümd Abbas, köç qullanunıñ pıçraq çılbırın özergä kiräk, dip belderde: "Monı bez köç qullanunıñ pıçraq çeltäre dip atıybız häm töbäktäge ber ilgä dä yoğıntı yasawın telämibez. Şunıñ öçen xäzer kire tınıçlıq söyläşülärenä qaytır öçen çılbırnı özergä kiräk, dide Abbas.

XS
SM
MD
LG