Accessibility links

шимбә, 10 декабрь 2016, Казан вакыты 13:56

Möselman kinosı festivalenä törle illärdän 91 film täqdim itelgän


Xalıqara möselman kinosı festivale berençe tapqır oyıştırıla. Häm anıñ Qazanda uzuın Tatarstan möselmannarı zur märtäbä dip sanıy. Kübese başta festival'gä möselmannar ğına üz fil'mnarın birer dip uyladı. Ämma täqdim itelgän fil'mnar monıñ kiresen kürsätte.

Möselmannar tormışı, andağı ayırım neçkäleklär, keşelär yazmışın çağıldırğan fil'mnar törle illärdän, törle din häm millät wäkillärennän birelgän. Oyıştıruçılar älege fil'mnarnıñ kübesen inde bügennän ük kinoteatrlarda kürsäterlek dip sanıy. Häm festival'dän soñ alarnıñ kiñ prokatqa çığaçağına ışana.

Fil'mnar törle tellärdä. Anıñ 20се xäzer tärcemä itelgän. Qazanda isä ul urıs, ingliz tellärendä bulaçaq. Bilet bäyäse äle tögäl bilgele tügel. Festival'neñ Qazan direksiäse citäkçese Svetlana Boxarayıwa, 50 sum tiräse bulır dip belderde, comğa könne, jurnalistlarğa.

Fil'mnar arasında tatarlar, çäçännär belän bäyle fil'mnar da bar ikän. Kanada täqdim itkän fil'm, 1913 yılda yäşägän millättäşlärebez turında.

Festival'dä 3 nominatsiä qaralğan. Näfis fil'm, dokumental' häm mul'tiplikatsion fil'mnar. Festival'dä här nominatsiädän 10-12 fil'm kürsäteler dip uylanılğan bulğan. Ämma saylaw waqıtında fil'mnarnıñ kübesen töşerep qaldırırğa qızğanıç bulu säbäple, tağın berniçä fil'mğa arttırırğa bulğannar.

Festival'neñ tantanalı açılışı G. Kamal teatrında bulaçaq. Bäyge qısalarında baraçaq fil'mnar säğät 12дән kiçke cidegä qädär “Mir“ kinoteatrında kürsäteläçäk. Monnan qala äle bäygedän tış möselman fil'mnarı da kürsäteläçäk. Tatarstannan festival'gä “Küktaw”, “Zöläyxa” häm “12нче ajdaha” fil'mnarı täqdim itelgän.

Festival'dä ciñüçelärgä altın yögertelgän sın büläk iteläçäk. Kino tasmasınıñ qırıyları dulqınnarğa ürelep kitkän häm şunda köymä östendä Mönbär tasvirlangan älege sın barlığı 16 ciñüçegä bireläçäk. Oyıştıruçılar beldergänçä, jyuriğa iñ märtäbäle wäkillär kergän. Dönyanıñ törle illärennän kino belgeçläre, rejisserlar çaqırılğan. Barlığı 9 keşe.

Festival'ne uzdıru öçen 4 million sum aqça bülengän.

Landış Xarrasova

XS
SM
MD
LG