Accessibility links

җомга, 9 декабрь 2016, Казан вакыты 10:44

Tatar cırların internettan alu, avtorlıq xoquqların bozamı?


Bu atnada Tatnetta, ber qullanuçı isemrnnän yazılğan xat taraldı. Rimma Wafina xatında ««Bars-Media» şirkäte, www.bulmas.ru saytına däğwä belderä, andağı cırlarnı alırğa mäcbür itä» dielde. Bu mäs’äläne açıqlarğa teläp, www.bulmas.ru saytı häm «Bars-media» kompaniäse wäkillärennän añlatmalar soradıq.

Cırlarnı taratu, disklar aşamı, kabel aşamı – avtorlıq xoquqları turındağı qanunğa kilep totaşa. Tatar estradasında başqarıla torğan cırlarınıñ avtorlıq xoquqları «Bars-Media» şirkäte qulında. Ämma, küp kenä internet säxifälär cırlarnı xoquqlar turında uylamıyça ğına quyıp kilde. Xäzer Tatar internetında da monıñ belän köräş başlandı. Cırnı tıñlaw, ber yaqtan, avtorlıq xoquqların boza, ämma ikençe yaqtan, şul uq cır satuçı şirkätlärgä fayda da kiterä, çönki cır tanılmasa, xalıq arasında populär bulmasa, tege yaki bu CD tälinkäne, kassetanı satu da awırlaşa. Şul räweşle tatar internetında da cırlar, cırçılar tanılıp kilde. İnde bu atnada, 500 dän artıq köyne tuplağan Bulmas.ru saytında, cırlap bülege yabıldı. Annan cırlar alındı. Ruzil Möxetdinov belän «Azatlıq» studiäsendä äñgämä ütkärdek. Ruzil «Bars-Media» şirkäteneñ Bulmas.ru saytına nindi dä bulsa basım yasawın, däğwä belderüen raslamadı, ä cırlarnı alıp atuın başqa säbäplär belän añlattı.

Ruzil Möxetdiovnıñ tatar cırların dönyağa tanıtu eşenen ber närsä tuqtatıp qalğan. Andağı 500läp cırlarnıñ yañğırawı texnik yaqtan, CD tälinkälärdäge kebek sıyfatta bulğan. Ägär cırlarnıñ yañğıraw sıyfatı tübänräk däräcädä bulsa, avtorlıq xoquqları turında iskä töşerüçelär dä bulmas ide. Xäzer bu saytta, cırlarnı «7 yoldız» digän xit- parad bülegendä genä tabıp bula. 15 yul, könne www.bulmas.ru saytında Ruzilneñ räsmi xatı basılıp çıqtı. Ul anda avtorlıq xoquqların bozuda üzeneñ gäyeben tanıy häm anıñ öçen ğafu ütenä. Bu xälneñ kiläçäktä, anıñ häm «Bars-media» şirkäte arasında aralar bozılmawına ömeten belderä.

Bu mäs’älädä añlatmalar birer öçen «Bars-Media» şirktäre wäkilläreneñ fikeren dä soraştıq. «Azatlıq» studiäsendä «Bars-Media» şirkäte matbuğat särkätibe İlnar Cihangirov añlatmalar birde. Anıñ äytüenä qarağanda, «Bars-Media» şirkäte, cırnıñ yañğıraw sıyfatı tübän bulğan oçraqta, cırnı tanıtu dip bäyäli, häm avtorlıq xoquqların beldermi. Äğär cır sıyfatı yuğarı ikän, letsenziäle diska kebek ikän, ul oçraqta avtorlıq xoquqları iyäse «Bars-Media» şirkte belän kileşü tözergä kiräk, yäki cırnı interenttan alırğa kiräk. www.bulmas.ru saytı xucasın şirkät kisätkän bulğan, çönki anda cırlanıñ yañğıraşı yuğarı därcädä bulğan, dip söyläde İlnar äfände. Belgänegezçä, Ruzil säxifäne yuq itü yulın sayladı.

Baqsaq, avtorlıq xoquqı turındağı qanunda, texnik sıyfat, cırlarnıñ nindi formatta, sekundına niçä kilobayt tapşırırğa röxsät itelä, bu xaqtağı mäğlümatlarnı oçratmadıq. Bu belderülär cırnı tanıtırğa teläweçlär, häm avtorlıqlıq xoquqın saqlaw arasında kompromiska oxşap tora.

Bikä Timerova. .

XS
SM
MD
LG