Accessibility links

җомга, 9 декабрь 2016, Казан вакыты 05:09

Qazaxstan üzbäk qaçağın BMO qaçaqlar agentlığına tapşırdı


Qazaxstandağı üzbäk watandaşı Lutfullo Şämsetdinovnıñ kire üzbäk räsmilärenä tügel dä, ä Berläşkän Millätlär Oyışmasınıñ qaçaqlar agentlığına tapşırıluına Yevropa Berlege xuplaw belderde. 13 may könne Andicon waqiğälären küzätkän, häm xärbi köçlärneñ xalıq kütäreleşen bastıruın üz küze belän kürgän Şämsetdinovnı Qazaxstan räsmiläre ay başında Üzbäkstan möräcäğäte belän qulğa alınğan ide. Keşe xoquqları oyışmaları mäğlümatlärenä qarağanda ul könnärdä Andiconda häläk bulğannarnıñ sanı 750gä qadär bulırğa mömkin. Pänceşämbe könne New Yorkta urnaşqan Human Rights Watch oyışması da Qazaxstannıñ Şämsetdinovnı Üzbäkstanğa tapşırmawın "qıyu adım" dip bäyäläde häm kürşe däwlätlärne şulay eşlärgä çaqırdı. Uzğan ayda Qırğızstan üzbäk qaçaqların öylärenä qaytarıp cibärgäç xalıqara cämäğätçelekneñ täñqitenä duçar buldı. Andicondağı xalıq kütäreleşe waqıtında törmädän qaçqan qalğan 29 keşe xäzerge waqıtta Qırğızstanda. Alarnıñ kiläçäge bilgesez.

XS
SM
MD
LG