Accessibility links

шимбә, 3 декабрь 2016, Казан вакыты 12:36

Donetskida prezident Viktor Yuçenkonı uram cıyınnarı belän qarşı aldılar


Donetskiğa kilgän Ukraina prezidentı Viktor Yuçenkonı bügen uramnarğa çıqqan 3 meñgä yaqın keşe qarşı aldı. Mäğlüm bulğança bu yaqlar prezident saylawlarında küpläp Yuçenkonıñ köndäşe, Yanukoviçnı yaqlağan ide. Bügen alar uramğa qullarına "urınıñnan kit", " bez amerika-yaqlı rejimğa qarşı" digän şiğärlär totıp çıqqan ide. Yuçenko cirle citäkçelärgä märäcäğät itte: "Min Donetskiğa 3, 4, 5, 10 tapqır kilermen. Min ber kem belän dä uyınnar uynamıym. Min ğafu itermen, ämma min keşelärdän qanunnarnı ütäwlären taläp itäçäkmen, monı älegä qadär añlamağan keçkenä ber törkem keşelärdän dä," dide Yuçenko. Viktor Yuçenkonıñ saylawaldı kampaniäse könbatış yaqlı ide, anıñ nigezendä Ukraina xalqınıñ yäşäw däräcäsen kütärü häm Yevropa Berlege wä NATO äğzalığına ireşü yata. Kübräk Rusiä yaqlı häm rus telle könçığış Ukraina yaña prezidentnıñ bu niätlären yaqlamadı.

XS
SM
MD
LG