Accessibility links

якшәмбе, 11 декабрь 2016, Казан вакыты 01:27

Paqstanda AQŞqa qarşı şiğärlär yañğradı


Paqstanda bügen pänceşämbe könne amerikan ğaskärläre tarafınnan üterelgän 24 suğışçınıñ 3sen kümü yolasına meñlägän keşe cıyıldı. Äfğanstan belän çik buyındağı Waziristan vilayätendä uzğan bu yola waqıtında Amerikağa qarşı şiğärlär yañğradı, cirle ruxani, Waziristan tulısınça cihadqa äzer, dip belderde. Paqstan räsmiläre, üterelgännärneñ kübese – Taliban yä Al Qaida suğışçıları ide, dip xäbär itte. Äfğanstanda Taliban suğışçıları buluda şiklänelgän keşelär könyaqtağı Zabul vilayäteneñ xökümät yaqlı citäkçese Mälik Ağanı asıp quyğan. Yulbaşçı comğa namazına barğanda urlanğan ide. Suğışçılar anı amerikan şpionı dip iğlan itte. Comğa könne könçığıştağı Xost vilayätendä inde küptän ezlängän Taliban yulbaşçılarınıñ berse, Mulla Gülşah Wazir amerikan häm äfğan ğaskärlärenä birelgän. Ul kübräk Mulla Tiktar iseme belän bilgele ide.

XS
SM
MD
LG