Dağıstan başqalasında bulğan şartlawda 3 milisiä xezmätkäre cärähätlär aldı. Bu xaqta milisiäneñ matbuğat xezmäte wäkile Marina Räsulova xäbär itte. Anıñ süzlärenä qarağanda, şartlatqıç cirgä kümelgän bulğan. Soñğı waqıtlarda Dağıstanda milisiä häm räsmilärgä qarşı höcümnär artıp kitte. Küptän tügel respublikada bulıp kitkän Rusiä prezidentı Putin, cirle citäkçelärne oyışqan cinäyätçelek häm terrorçılarğa qarşı köräşne köçäytergä çaqırdı. Putin şulay uq, ğısyançılarnıñ aqçasız häm eşsez yäşlärne üzlärenä cälep itüen buldırmas öçen
Dağıstandağı eşsezlek häm xäyerçelekkä qarşı da çaralar kürergä çaqırdı.
