İzrael saqlanu ministrı Şaul Mofaz, ägär dä fälestin citäkçelege, soñğı könnärdä İzraelgä höcümnären arttırğan fälestin suğışçıların tuqtatmasa, "İzrael zur häm däwamlı xärbi çara başlayaçaq" dip belderde. Meñlägän İzrael xärbie Gaza çige buyına cıyıldı. Färman birelsä alar cir öste xärbi çarasına äzer, dip xäbär itelä. Kiçä fälestin prezidentı Mähmüd Abbas, suğışçılarnı İzraelgä qarşı höcümnärne tuqtarırğa çaqırdı.
Ämma köç qullanu bügen dä däwam itte. İzraelneñ çik buyındağı Sderot şähärenä tağın raketalar atıldı. Könyaq Gazadağı Xan Yunista Hamas citäkçeläreneñ berse atıp üterelde.
