Accessibility links

шимбә, 10 декабрь 2016, Казан вакыты 08:25

<p>Şähri Bolğarğa säyäxät</p>


18 iyül könne Bolğar muzey-tıyulığı üzendä Rusiäneñ törle töbäklärennän kilgän qunaqlarnı qabul itte. Monda un kön däwamında arxeologik lager' oyıştıru küzdä totıla. Bu lager' Tatarstan Respublikası Yäşlär eşläre, sport häm turizm ministrlığı qarşında eşläwçe “İdel” yäşlär üzäge tarafınnan oyıştırılğan. Lager'neñ töp maqsatı – çittän kilgän tatar balaların tatar xalqı tarixı, milli mädäniät belän yaqınnanraq tanıştıru. Monda Sankt-Peterburg, İvanova, Kostrama, Tol'yatti şähärläre, Mari-el' respublikası, Sverdlau ölkäse häm Litvadan utızğa yaqın yäşüsmer yal itäçäk.

13-16 yäşlek balalar Bolğar tıyulığı cirlegendä urnaşqan palatkalı lager'da yäşiäçäklär. Alar kön sayın ber säğät däwamında bergäläşep, şunda uq ütkärelä torğan arxeologik ezlänülärdä qatnaşaçaqlar dip planlaştırıla. Şulay uq, balalarnı Qazanğa alıp baru häm biredäge istälekle urınnarnı qaraw, Qol Şärif mäçetenä kerü küzdä totıla dip xäbär itä Tatarstan Respublikası Yäşlär eşläre, sport häm turizm ministrlığı qarşında eşläwçe “İdel” yäşlär üzäge.

Şähri Bolğar xäräbälärenä torğan sayın qızıqsınu arta bara. Keçe manara, Qara pulat, Xannar törbäse häm başqa borınğı taş binalar yanında Petr 1 zamanında tözelgän Uspeniä çirkäwe, Cämiğ mäçeteneñ taş bağanaları häm divar qaldıqları tora. Monda kilgän möselmannar açıq hawada cimerelgän mäçet qaldıqları arasında namaz uqı. Bu könnärdä milli xäräkät häm möselman xatın-qızlar berlege şähri Bolğarğa säyäxät yasadılar.

Monda Tatarstan möselman xatın –qızlar berlege räise Nobel' premiäsenä kandidat Älmira Ädiätullina yaña çara täqdime belän çıqtı. Bolğardağı 13 ğasırda tözelgän Cämiğ mäçet xäräbälären yañadan torğızırğa. Azatlıq radiosına ul bu xaqta menä närsälär citkerde.

Berençe däwlätebezneñ, berençe Cämiğ mäçeten torğızu – bu zaman taläbe. Xäzer bez böten aqılıbıznı, köçebezne sarıf itep anı torğızırğa tieşbez. Allahı boyırsa.

Nobel' premiäsenä kandidat Älmira Ädiatullina buldı. Döres, Bolğardağı Cämiğ mäçet manarası monnan berniçä yıl elek torğızılğan ide. Läkin, tarixi arxitektura tıyulığında xäräbälärne yañabaştan kütärü, xalıqara belgeçlär tarafınnan bik xuplanmıy. Xäyer bu mäs’älädä ike törle qaraş bar. Torğızırğa yarıy, häm yaramıy digän fikerlär.

Gölnaz Şäyxetdinova. Qazan.

XS
SM
MD
LG