Accessibility links

пәнҗешәмбе, 8 декабрь 2016, Казан вакыты 15:02

Üzidarä reforması kiçekterelmi


Şimbä könne kiläse yılğa byudjet tözü turında kiñäşmä uzdı. Anda cirle üzidarä reformasınıñ Tatarstanda hiçşiksez başlanuı turında premyer-ministr Röstäm Miñlexanov açıq itep äytte. Aqça häm xoquqi nigezlär citärlek bulmaw säbäple, başqa töbäklärdä üzidarä reforması kiçerelsä dä, Tatarstan menä şuşı sotsial' islax häm üzgärtü çaralarına kereşmäkçe.

Prezident Mintimer Şäymiev Rusiä häm Tatarstan däwlät büläklären tapşırdı. Hönäri belem birü institutı direktorı Güzäl Möxämmätcanova, Efir kompaniäse direktorı Andrey Grigoryev, prezident qarşındağı toraq fondı direktorı Tälğät Abdullin orden, medal'lär belän büläklände. Estrada cırçısı, mädäniät universitetı akterlıq ostası kafedrası mödire Salawat Fätxetdinovqa Rusiyäneñ atqazanğan artistı digän isem birelde. Düşämbe könne İrek mäydanında nigezenä qädär sütelep yañadan qorılğan xökümät binasına cihazlar häm xökümät eşçeläre küçep utırdılar. Elekegesennän dä biegräk bina östenä berdän ber zur bayraq Tatarstan äläme cilferdi başladı.

Rimzil Wäli

XS
SM
MD
LG