Qazannıñ meñ yıllığına äzerlekneñ mäşäqätläre küp törle formada ikän. Şimbä irtäsendä xökümät citäkçese Röstäm Minnexanov häm ministrlardan, belgeçlärdän torğan delegatsiä Parijdan Qazanğa urap qayttı. Citäkçelär häm belgeçlär ber yarım täwlek eçendä Parij, Dovil, Qaburg şähärlärendä bulıp at çabıştıru tärtibe häm ippodrom tözü üzençäleklären öyrängän. Bu ğäcäp tä tügel. Çönki ber aydan Qazanda xalıqara däräcädäge ippodrom açılıp, anda Rusiä häm Tatarstan prezidentları büläklärenä at çabıştıruları bulaçaq. Xätta Parijğa kilep töşkän könne dä delegatsiä Parij vinset ippodromın qarağan, ä kiçen Fransiäneñ milli bäyräme Bastiliä alu köne xörmätenä oyıştırılğan at çabışların qarağannra. Şulay uq Atlantik okeanı yanındağı Dovil şähäre ippodromın häm at zavodın qaraw, Qaburg dip atalğan qaladağı tönge at çabışın öyrängännän soñ tiz genä Qazanğa qaytu turında ayırım söylärgä kiräkter. Küräseñ, xäzer Biyektaw avtodromında xalıqara maşina çabışı çabışınnan da zurraq bäygelär bulaçaq. 21 ğasırda Qazan dönya at sportı märkäzläreneñ bersenä äylänäçäk. Qazannıñ elekke hawa mäydanında yurtaq häm çapqın atlar cilderü buşlay tügel. Totalizatorda uynaw da dönyanıñ teläsä nindi poçmağınnan internet aşa qatnaşu mömkinlege tä'min itelä. Mäsälän Fransiä byudjetı 4 protsentı at çabışındağı totalizatorlar aşa kilgän aqçadan tora. Atlarnıñ da, keşelärneñ da çabasıları alda. Xäzergä can färmanğa 1.5 milliard sumlıq ippodrom tözelep yata.
Rimzil Wäli
