Accessibility links

җомга, 9 декабрь 2016, Казан вакыты 08:49

Blağoveşenie çirkäwe Qazan İzge ana ikonasın qabul itärgä äzerlänä


Qazan İzge ana ikonasınıñ qaytarıluı belän başqalada «Pravoslav dine könnäre» başlana. Belçänegezçä, ikonı Rus pravoslav Çirkäwe başlığı Aleksiy II alıp kilergä wäğdä itte. Şuşı «könnär» qısalarında, ikona, pravoslav kitap kürgäzmäläre, pravoslav muzıka konsertları planlaştırılğan. Blagoveşenye soborında soñğı äzerlek çaraları kürelä, andağı ikona quyıla torğan urınğa urlawdan saqlıy torğan cihazlar quyıldı. İkona tabılğan elekke tämäke fabrikasına qarağan binalarda bik aktiv töstä yañartu eşläre bara. Andağı qorılmalarnıñ küp öleşen Qazan yeparxiäsenä tapşıru räsmi räweştä xäl itelsä dä, tämäke şirkäteneñ cihazları annan çığarılsa da, ul barıber torğızılıp betmäyäçäk. İkona anda quyılaçaq, ämma waqıtlıça ğına. Düşämbe könne bulğan matbuğat oçraşuında äytelgänçä, 20nçe yundä Qazanğa Rusiä Pravoslav çirkäwe başlığı Aleksey II kilüe kötelä. Anı qarşılarğa häm ozatıp yörergä, dip Qazan yeparxiäse äzerlänep tora. Bu xaqta matbuğat oçraşuında, Qazan häm Tatarstan arxireye Anastasiy ataqay äytte.

Anıñ kilüe belän Qazanda bäyräm çaraları başlana. Alarda bez Qazanda yäşäwçe törle din totuçılarnı kürergä telär idek, pravoslavlarnı ğına tügel, berençe çiratta möselmannarnı, katoliklarnı häm başqa din wäkillären.

Matbuğat oçraşuında bulğan oyıştıru ştabı başlığı Tatyana Larionova bäyräm çaralarınıñ tärtibe belän tanıştırdı. Rus pravoslav çirkäwe başlığı Aleksiy II Qazanğa kilgäç, Prezident belän oçraşa. Kiçen Petr-Pavel soborında uquların ütkäräçäk. 21nçe yüldä, irtänge 9da, yañartu eşlärennän soñ açılğan Blagoveşenie soborında bäyräm keläwläre uqılaçaq. Annan soñ, Aleksiy II alıp qaytqan Qazan izge ana İkonasın alıp, Blagoveşenie soborınnan çığıp, Krestovozdvijenie çirkäwenä qädär xac yörüe bula. Yaqındağı çirkäwlärdä ul waqıtta çan qağılaçaq. Aleksiy II citäkçelegendäge pravoslavlar Krestovozdvijenie çirkäwenä barıp citkäç, anda da bäyräm uquları ütäçäk. Qazan İzge ana ikonası waqıtlıça anda quyıla. Kiläçäktä ul Yılan taw monostıre, yäki Petr-Pavel soborında bulaçaq, dip xäbär itte, Qazan arxiereyı. Jurnalistlar, İkonınñ çın nösxäse, yäki küçerelmäse bulu turında da mäkerle sorawlar birde. Qazan şähär başlığı urınbasarı Ludmila Andreyeva, anı Matrena digän qız tapqan çın ikonamı, ällä küçermäseme, töp-töğäl äytep bulmyı, dip äytte. Lumdila Andreeva äytkänçä, Qazan şähär idäräse öçen, İkonanıñ qaytuı da, Blagoveşenie soborınıñ açılışı da, zur waqıyğalar. Çönki söyläşülär alıp barğanda da, Watinkanda bulğanda da, izge sürätneñ Mäskäwğä qaytarılğanda da, alar İkonanıñ Qazanğa qaytuına ömetlär bağlap yäşägän ikän. Lyudmila Andreyeva Watikanda bulğan Qazan izge ana ikonasınıñ kürep, tañ qalğan,«bu bäxet sezgä dä kiläçäk», dip äytte Qazan şähär başlığı urınbasarı.

XS
SM
MD
LG