Accessibility links

якшәмбе, 4 декабрь 2016, Казан вакыты 11:15

Saddam Xösäyen östennän tizdän xökem protsesı başlanaçaq


Ğıraqta suğış cinayätlären tikşerüçe mäxsus mäxkämä yäkşämbe könne ilneñ eleke citäkçese Saddam Xösäin häm tağı 3 şäxes östennän yaqın arada xökem protsesı başlatılaçaq dip belderde. Äytep kitkän şäxeslär 1982-nçe yılda Duceyl awılında 145 keşene üterü eşen oyıştıruda ğäyeplänä.Bu Saddam cinayätläreneñ in qanlısı bulmasa da , xoquq belgeçläre küpkä kübräk qorbannar bulğan başqa insidentlarğa qarağanda monısı ciñeleräk dip äytä. Duceyl cinayäten räsmi dokumentlardan tikşerü mömkin, şaxitlärneñ şäxadäte inde mäxkämägä mäğlüm . Protesess sinteber urtalarında başlanır dip kötelä

Ğıraq mäxsus mäxkämäseneñ başxakime Raid Cevhi yäkşämbe könne ilneñ eleke diktatorına quyılğan berençe ğayebläw turında:

Cevhi(audio)

Ğıraq xalqı häm eleke rejim qorbannarı öçen mäxsus mäxkämäneñ tikşerü törkeme, 150dän artıq keşe üterelgän häm legal bulmağan räweştä küp kenä ğailälärneñ qulğa alınğan Duceil awılında eşlängän cinayätlärne tikşerü eşläreneñ tämamlanğanın iğlan itä.

Raid Cevhi belderüenä kürä Saddam Xösäin belän bergä bu mäsälädä anıñ ügi tuğanı ,Ğıraqnıñ eleke küzläw idaräse başlığı barzan al-Tikriti eleke premyer urınbasarı Taha Yasin Ramadan, Saddamnıñ inqilap mäxkämäse baş xakime Awad Hamad al Bander ğäyeblänä.

1982nçe yılda başlıça şığılar yäşägän Duceyl awılında Saddamğa atentant oyıştırıla. 17keşelek ber törkem S.Xösäinneñ maşina konvoyı ütkändä kalaçnikovlardan ut aça. Ğäyepläwlärgä kürä Saddamnın iminlek köçläre üç alu mäqsatında awıldağı 150keşene üterä.Xakim Cevhi süzlärenä qarağanda mäxkämä berençe protses öçen bu insidentnı saylağan çönki dälil köçle bulğanlıqtan Saddamnı xökem itü mömkinçelege bik yuğarı. Londonda Urnaşqan Jane İnformation Groupnıñ yaqın könçığış analitigı David Hartwell tribunal Saddamnı ciñellek belän xökem itügä kiteräçäk Duceyl waqıyğäsen sayladı di.

Hartwell(audio)

Bälkim dä in başta ğäyepläwlärne kürsätep anı xökem itteräçäklär dip uylıylar . Prokurorlar eşlängän waxşileklär öçen birelgän kürsätmälärneñ küpmese öçen Saddamnı ğäyepläp bula digän mäsälä aldında tora. Komanda çılbırında ğäyebläwne Saddam Xösäingä qädär citkerü prokurorlar öçen töp problema bulaçaq

Hartwell qaraşınça,Saddam Duceyl waqıyğäläre säbäple ülem cazasına xökem itelä ala , şunnan soñ anıñ östennän başqa proteseslar ütkärü kiräge kalmayaçaq.Ğıraqta qayberäwlär misal öçen Faris Salal kebek ğadi ğıraqlılar protsesnıñ başlanuın sabırsızlıq belän kötä, ul eleke diktatornıñ mäxkämädä cawapqa tartıluı üzgäreşlärgä kiteräçäk dip uylıy.Hartwell dä xökem protsesı Ğıraq xalqınıñ küñelen kütärä ala disä dä, ğıysyançılarğa çınlap ta täsir itär dip ber dä uylamıy.

Hartwell(audio)

Ägär dä bez ğıysyançılarnıñ başlıça çit il keşeläre buluın qabul itäbez ikän , Saddamnı mäxkämä aldına çığaru alarğa ällä ni täsir itmiäçäk

İran tışqı eşlär ministrı Qamal Xarazzi Saddam Xösäin İranğa qarşı eşlägän cinayätläre öçen dä cawapqa tartılırğa tieş dip Bagdadqa beldergän. färidä xämit
XS
SM
MD
LG