Accessibility links

Paqstanda üterelgän suğışçılar Qazaxstan watandaşları bulırğa mömkin


Paqstan xärbiläre yäkşämbe könne Äfğänstan cige yanında üterelgän ber törkem suğışçılar Qazaxstan watandaşları bulırğa oxşağan dip belderä. Paqstan xärbiläre süzçese General Mayor Şäwkät Soltan bügen monı İslamabadta Frans press agentlığına belderde. Kiçä Soltan Reuters agentlığına 17 suğışçı, şul isäptän xatın-qızlar häm üsmerlär üterelde, 4-äw yaralanıp qulğa alındı dip äytkän ide. Paqstan xärbiläre älege törkemne Tönyaq Wäziristannıñ töp şähäre Miranşahta çolğanışqa alğan. Xärbilär äytüençä, alar sıyınğan urında qorallar häm suğış kiräk-yaraqları tabılğan. İslamabadtağı Qazaxstan ilçelege süzçese Yernur Toyaqbayev Azatlıq radiosına bolarnı belderde. AUDİO: Qulğa alınğan ul şikle keşelär Qazaxstan watandaşı dip äytergä äle bik irtä. Ul mäğlümät tikşerelmägän, raslanmağan. Bez barı tik raslanğannan soñ ğına alarnı Qazaxstan watandaşı dip äytä alabız. Älegä alar pasportlar ğına tapqan, şuña kürä äytergä äle irtä. Anıñ äytüençä, ilçelek alarnıñ kemnär buluın açıqlaw öçen Paqstan tışqı eşlär ministrlığında tikşerüçelär törkeme cibärgän.
XS
SM
MD
LG