Accessibility links

шимбә, 10 декабрь 2016, Казан вакыты 13:58

Millätçelär Qazan izge ana ikonası qaytuğa qarşı


Tatarstan räsmi xakimiäte Qazan anası izge ikonasın qaytarunı matur itep kürsätä. Xakimiätkä qanatı astında yäşägän räsmi matbuğat çaraları da, ikonanıñ qaytuın zur bäyräm, tantana, Tatarstanda tolerantlıq, ike din tigezlege çäçäk ata dip añlatalar. Räsmi xakimiätne añlap ta bula. Äle küptän tügel genä zur tantanalar belän Qazan kirmänendä Qol Şärif mäçete açıldı. Tatarstandağı möselmannar öçen zur bäyräm buldı. Respublika prezidentınıñ 1996 yılğı Qol şärif mäçeten torğızu turındağı färmanında uq Kirmändä tağın ber ğıybädätxanäne tözekländerü turında da süzlär bar. Blgoveşçenie soborı. Qazan Yawız İvan ğäskäre tarafınnan alınğaç, ciñü şatlığınnan tözelgän çirkäw. Qazan izge anası ikonası da Qazan alınu tarixı belän bäylängän. Yäş tarixçı Marat Kildeev söyli

16 ğasırnıñ 70 yıllarında elekkege Qazan xanlığında baş kütärülär köçäyep kitä. Qazandağı Yılına taw monastıyre çuaş, mari xalıqları tarafınnan ozaq qına qamap totıla. Alar çuqındıruğa qarşı çığalar. Qazan 16 yıl buyına Mäskäwgä öleşçä genä buysına. Şul waqıtta, xalıqnı yañadan buysındıru öçen, İkona barlıqqa kilä. İkona, tatarlar öçen imperiä säyäsäte simvolı blıp tora

Tatarstan başqalasına Qazan İzge anası ikonasın qaytarunı , äytelgänçä räsmi xakimiät bik zur şatlıqlı waqiğa itep kürsätergä teli. Bu könnärdä rusiä baş ataqayı Aleksiy ll, älege ikonanı Qazanğa alıp kiler dip kötelä. Şunısı qızıq, Qol Şärif mäçete dä, Blogoveşçenie soborı da Qazannıñ meñ yıllığı aldınnan tözekländerelep bettelär. Rusiä baş ataqayı ikonanı meñ yıllıqqa alıp kilä dip uylarğa kiräkmi. Ataqaynıñ bu könnärdä Qazanğa säfäre Urıs provaslaw çirkäweneñ Qazan cirendä Yeparxiä buldıruına 450 yıl tulu uñayınnan. Bu Çirkäwneñ räsmi añlatması. Ä bu Yeparxiädä Qazan xanlığın basıp alğaç tözelä. Berençe ärxäräydä tatar tarixında köçläp çuqındıru belän mäşhür bulğan Guriy bula. Monısı tarix. Läkin bu könnärdä yalğan taratuçılarda bua buarlıq. İnternettağı ber mäğlümlät säxifäse Qazan cirendä xristianlıq bezneñ eranıñ berençe ğasırlarında uq barlıqqa kilde dip yazıp çıqtı.

Tatarstan pravaslawlıları öçen İkonananıñ Qazanğa qaytuı zur şatlıq. Urıs pravaslaw çirkäwenä kergän Qazandağı keräşennär çirkäwe dä bu waqiğağa zur bäyä birä. Keräşen çirkäweneñ ataqayı Pawıl äti bit, berençe Qazan ärxäräye Ğuriy ataqay buyınça dissertatsiä yaqlağan keşe. Ä ikona näq menä Guriy waqıtında köl astınnan ber kız bala tabıp ala. Qazan xakimiäte ikonanıñ Qazanğa qaytuın bik zur tüzemsezlek belän kötä. Şulay bulğanda, Qazanğa yıl sayın meñlägän pravaslawlılar kiläçäk, üzlärençä xac qılırğa dip bäyäli. Ä bu turizm. Dimäk aqça kilä digän süz.

Qazan uramnarında xalıq niçek uylıy soñ? Menä ğadi qazanlılarnıñ qayber fikerläre

Min üzem möselman keşese, läkin klassik dinnärgä bik äybät qarıym. Qaytarsınnar.

Мне все ровно, я не хожу в церковь

Qaytarsınnar, min riza

Я рада, что икона возвращается на место преобретения

Tatar milli xäräkäteneñ ber törkeme Qazanda Rusiä baş ataqayı Aleksiy ll kilgän könne, ikonanıñ Qazanda kiräge yuq digän öndämä belän piket quyarğa cıyına. Bu xaqta Azatlıq radiosına Yunıs Kamaletdinov xäbär itte.

Tatar ictimaği üzäge inde ber yıl elek Qazanğa İkonanı qaytarmasqa kiräk, bu impreiäneñ köçläp çuqındıru simvolı bulıp tora dip belderülär belän çıqqan ide. Şulay da, Tatarstanda yartı xalıqnıñ pravaslaw dinenä qarağanın istä totsañ, alar öçen bu bäyräm häm tantana sanalğanda, Qazannıñ tolerantlıq üzäge ikänen kürsätü mömkinlege bulğanda, ikona qaytu naçar närsä tügel dilär säyäsi küzätüçelär.

Räfis Cämdixan

XS
SM
MD
LG