Accessibility links

дүшәмбе, 5 декабрь 2016, Казан вакыты 17:34

Qazan xakimiätläre Rus Pravoslav çirkäwe quyğan şartlarnı ütädeme?


Qazan şähäreneñ üzäge böten ber tözeleş mäydanın xäterlätä. Kreml tiräläre, tämäke fabrikası, Opera teatrı, ofitserlar yortı, salım inspeksiäse, BDB illäre citäkçelär toraçaq qunaq yortları tözeleşe, üzäk uramındağı binalarnıñ tışların ağartu, uramnarda yaña asfal’t cäyü eşläre ber uq waqıtta, bik zur tizlek belän bara. Rus pravoslav çirkäwe başlığı Aleksiy II, ikona tabılğan urında çirkäw torğızılğan oçraqta ğına, Watikannanq aytqan bu sörätne Qazanğa biräbez, dip beldergän ide. Bu şart, ütälmägän tügel, Bogorodetskiy soborında yañartu eşläre bara, ämma alar äle tiz genä tämamlanmayaçaq. Qazan İzge ana ikonasınıñ qaytqaç quyılası urın, sobornıñ Krestovozjdivjenie çirkäwendä äle 19nçe yuldä genä xac quyıldı. Anda da yañartu eşläre äle tögällänmägän, şuşı çirkäwdä häm Blagoveşenie soborında da tözeleş eşläre tulı quätkä bara. Biredä, Qol Şärif mäçete tözeleşendäge kebek, açılası kön irtäsenä qädär eşlär däwam itärgä mömkin. Sişämbedä, Qazan häm Tatarstan arxiereyı Anastasiy ataqay, Kreml’däge Blagoveşenie soborında berençe uqular ütkärde. 19 yul gäzitläreneñ tışlıq bitlärendä, İkonanıñ qaytu mäs’äläse buldı. Urıs telle gäzit xäbärçeläre, İkona, urıs pravoslav çirkäwe belän söyläşelgän urında tügel, ä başqa cirdä saqlanaçağına iğtibarı yünältälär. İkona tämäke fabrikası cirlegendä, andağı Bogorodeskiy soborında tügel, ä bötenläy başqa cirdä toraçaq, dip uylanıla. Tatar gäzitläre, ayırım alğanda «Şähri Qazan» gäzite şuşı pravoslavie atnalığınıñ häm İkona qaytuın xristian tatarlar barlığın istä torıp yaqtırta.

XS
SM
MD
LG