Çeçnä citäkçese Alu Alxanov bügen ğisyançılar höcüme näticäsendä 13 keşeneñ ülüen häm 20-läp keşeneñ yaralanuın belderde.
Alxanov bügen Groznıydan 60 çaqrımlap yıraqlıqta urnaşqan Znamenskoyı awılında, höcüm bulğan urında jurnalistlar aldında çığış yasadı.
Xäbärlärgä qarağanda, höcüm itüçelär başta militsiä maşinasına utlı qoraldan ut açqan, annan soñ ul maşinanı şartlatqan. Ülüçelär arasında ul maşina yanında torğan sivil keşelär dä bar dielä.
