Accessibility links

сишәмбе, 6 декабрь 2016, Казан вакыты 13:15

Mäskäw yanındağı "Naşi" lagerı nindi maqsatnı küz aldında tota?


Cäy kilde. Läkin, Mäskävneñ Tönyağındağı Kreml yaqlı "Naşi (Beznekelär" lagerındağı meñärlägän rus yäşüsmere öçen gömbä. cimeş-cilek cıu yäisä yalqaulanıp yatu öçen vaqıt yuq. Alar ilne häm prezident Putinne yaqlaunı öyränü öçen bu lagerğa ciıldılar. Xökümät yäşüsmerlär arasında vatanpärvärlekne üsterä öçen bu atnada biş yılıq programmanı rasladı.

Audio

"Yäş ir-atlar häm xatın-qızlar menä şundıy muzıyka belän köndälek programmağa äzerlänälär. Bu ğadäti lager tügel. Ul Beznekelär isemle Kreml yaqlı yäşlär oyışması tarafınnan oyıştırılğan häm anda yaqınça 3 meñ yäşüsmer ciılğan. Alarnıñ köne irtän säğät sigezdä 5 kilomtr yägerü belän başlana , şunnan soñ säyäsäi leksiälär, debatlar häm künegülär ütkärelä. Kremlgä yaqın torğan tanılğan säyäsi belgeç Gleb Pavlovskiy da leksilär uqırğa çaqırılğan. Ul radiobıznıñ rus redaksiäsenä birgän ängämäsendä, maqsät yäşlärne prezident Putingä qarşı fetnä bula qalğan xäldä , monı buldırmauğa äzerläv bulıp tora dip belderde.

NC072015

Bez äle dä totrıqlı il tügel, yäşlärne küneglärdän ütkärergä. öyrätergä kiräk. 1991-nçe yılnıñ augustında bulğanı kebek, prezident Putinne dä bärep töşerü tırışlığı bulsa, alar närsä eşlärgä tieşlär. Utırıp leksiälär tıñlarğamı? Yuq. Alar uramğa çığıp , fetnäne tuqtatırğa tieşlär. Alar monı öyränergä tieşlär. Alar faşistlarnıñ demonstratsiäsen niçek tuqtatırğa kiräklegen belergä tieşlär. Köç qullanıp taratırğa tieşlär. Başqa törle bulmıy bit."

Küpkenä küzätüçelär Beznekelär oyışması 2008-nçe yılda bulaçaq prezident saylaularınnan alda Rusiädä , Görcstan, Ukraina häm Qırğızıstandağına oxşaş baş kütärülärne buldırmau öçen Kreml tarafınnan oyıştırılğan digän fikerdälär. Kreml Beznekelär belän bäyläneşe buluın räsmi räveştä raslamasa da, Putinneñ yaqın kiñäşçelärennän Vladislav Surkov lagerda buldı. Lager sovet çorındağılarnı iskä töşerä. Yäşlär berberlärenä sovet çorındağı kebek, iptäş dip möräcäğät itälär häm anda kapitalistlarğa, faşistlarğa häm amerikan säyäsmännärenä qarşı köräşüçe sovet qähärmannarı tasvirlanğan plakatlar elengän. Beznekelär Rusiäneñ liberal säyäsmännären, bay oligarxlarnı häm radikal yäşlär oyışmaların döşman dip kürälär häm alarnı faşistlar dip tamğalıylar. Vatanpärvärlekkä zur ähämiät birelä. Andağı ber yäş keşeneñ äytkäne monı çağıldıra.

Audio

"Yäş buın Rusiäneñ kiläçäge . Alarda patriotik qaraş tudırılmasa, här kem Amerikağa kitsä , Rusiä ozaq vaqıt yäşi almas."

Lagerda elengän plakatlar Beznekelärdä könbatışqa qarşı toyğılarnıñ köçle buluın kürsätä. Putin kiñäşçese Surkov lagerğa yasağan vizitı vaqıtında da Rusiä yäşlären Könbatışnıñ manipulätsiäläv täsirennän saqlarğa kiräk dip äytkän. Mondıy belderü çığama tügel. Rusiäneñ politik elitasında monı yış işetep bula. Bu yünäleş küpkenä küzätüçelärne, şul sanda AQŞnıñ Russiädäge ileçese Aleksander Vershbownı da borçıy.

Audio

"Min mondıy belderülärne yışıraq işetä başladım. Bu oyat . Bezdä sovettan soñğı Rusiä Könbatışnıñ ağzası bulırğa teli, Yeltsin häm Putin administratsiäse Rusiäne dönya cämğiäteneñ ağzası bulıp integratsiäläv strategiäsen alıp bara digän täsir qalğan ide. Yäş keşelärne Könbatıştan saqlarğa kiräk digän belderülär bik säyer yañğırıy."

Moña oxşaş lagerlar äle siräk bulsa da, premier Fradkov xökümäte bu atnada Rusiä yäşläre arasında patriotizmnı üsterä öçen biş yıllıq programmanı rasladı. Rusiä Federatsiäse vatandaşların patriotik ruxta tärbiäläv dip atalğan programmanı ğämälgä quyunı finansiäläv öçen 2006-nçe 2010-nçe yıllarda federal budjettan 17 yarım milion dolar tiräsendä aqça birü raslandı. Şul aqçağa törle lagerlar buldıru , sport yarışları häm uyınnar ütkärü planlanğan. İnde alarnıñ qayberläreneñ isemnäre dä bilgele. "Vatannı saqlarğa äzer tor!" yäisä "Siña ışanabız. Ğäskär!" digän isemnär xökümätneñ närsägä omtılğanın açıq işarä itä.

Färit İdelle, Praga.
XS
SM
MD
LG