Accessibility links

Кайнар хәбәр

Baş ataqay Aleksiy ll ikona turında süz quzğatmadı älegä


20 iyüldä Qazanğa rusiä pravaslawları baş ataqayı Aleksiy ikençe oçqıçta kilep töşte. Anı Tatarstan parlamentı citäkçse Färit Möxämmätşin hawa alanında qarşı aldı. Aleksiy atqaynıñ qazanğa bu ikençe kilüe. Berençe märtäbä monnan sigez yıl elek kilgän ide. Älege säfärneñ maqsatı, Qazan cirendä monnan 450 yıl elek açılğan Yeparxiä yubileyen ütkärü. Şul uq waqıtta, cirle xakimiät Qaza izge ana suräten dä Aleksiy ataqay qaytarır dip ömet itä. İnde bu surät turında kem häm nindi genä matbuğat çarası söylämäde ikän. Törle uraw yullar belän Rim papası qulına kerep eläkkän izge süräne Qazan merı berniçä märtäbä Vatikanğa barıp sorap yörde. Nihayät, Rim papası sürätne pravaslawlarğa birergä riza buldı. Läkin, Qazannıñ üzenä tüel. Ä Böten rusiä patriarxı Aleksiy ataqayğa. Xäzer inde, menä Qazan bälkem patriarx ataqay Qazan ikonasın Qazanğa alıp kilgänder büläk itergä dip ömet itä. Qazanğa Aleksiy ataqay kilep töşkäç jurnalistlar belän oçraştı. Anda i maqtadı tatarstannı, i maqtadı. Säfäreneñ maqsatı monnan 450 yıl elek kilep urnaşqan ärxäräylär yubileye ikänen dä onıtıp, “Sezneñ citäkçelek barısın da uylap eşli: küptän tügel yañadan tözelgän Qol Şärif mäçete açıldı, irtägä tözekländerelgän Blagoveşçenie soborında berençe ğibädät uzaçaq, avgustta qalanıñ meñyıllığı bäyräm iteläçäk. Mäçet häm sobor Qazan Kremle ansamble nigezen täşkil itä” dip tä quydı. Tik, İzge Ana ikonası turında ğına süz quzğatmadı. Xalıq tağın aptıraşta, ällä alıp kilgän ikonanı ataqay, ällä yuq. İrtägä bilgele bulaçaq. Atqay şulay uq, meñ yıllığın bilgelärgä cıyınğan Qazan xalqı belän dä aralaşırğa teläge barlığın da yäşermäde. Xäyer, aralaşu mömkin bulaçaq. Çönki, qazanda ike könlek pravaslaw dine könnäre açıldı. Respublika xakimiäte 450 yıllıq Yeparxiä dip ise kitmi anısı. Qazan Kirmänendä yañadan tözekländerelgän Blagoveşçenie soborın açası bar. Läkin, sin digändä ayaq idändä digändäy, menä, Blagoveşçenie soborın açu tantanasına 450 yıllıq Yeparxiä yubileye dä turı kilde. Xätta, baş ataqay üze dä kilde. Ä inde Blagoveşçenie soborı äzer. Tözekländerelgän. Tağın ber qızıqlı detal'. Tözekländerü barışında, bu sobor diwarlarınnan da, möselman qäber taşları kilep çıqqan ide.

Ä pänceşämbedä, Qazan urtasında xaç-täre yörtü bulaçaq. Urısça Krestnıy xod dilär. Annan soñ, elek Qazan izge ana ikonası urnaşqan monastıyren qaraw, häm başqa qayber xramnarda bulu. Ataqaynıñ säfäre tığız. Monnan tış, Tatarstan prezidentı belän dä oçraşası bar, başqa räsmi tantanalarda da qatnaşaçaq. Tatarstan üzeneñ tolerantlı, barlıq dinnärgä dä tigez qarawçı däwlätçelek dip tanıtırğa tırışa. Xäyerlegä bulsın

Räfis Cämdixan

XS
SM
MD
LG