Accessibility links

якшәмбе, 4 декабрь 2016, Казан вакыты 05:07

Belarustan quılğan AQŞ profesorı: Lukaşenko ilne Könbatış elementlarınnan çistarta


Ütkän atnada Belarus xakimiätläre amerikan profesorı Terry Boesch häm 2 qızına 24säğät eçendä ildän çığıp kitergä quştı. 2003nçe yıldan birle Minskta Belarus Däwlät Universitetında Bizeness häm Xoquq uqıtqan profesor vizanıñ ozatılmau säbäbe açıqlanmadı dip äytsä dä, moñı (ul)Belarusta kiläse yılda bulaçaq saylawlardan elek ilne könbatış täsirennän çistartu kampaniäseneñ ber öleşe dip añlata

Profesor Terry Boesch (audio)

Belarus xökümäte vizanı ozaytmadı häm şuluq könne (14nçe iyüldä) miña ildän çığıp kitergä quştı.Ämma minem dokument häm vizalarım xökümät qulında bulğanlıqtan , alarnı kire alğançı kitä almim. Min monda 2 yıl toram, minem mönäsäbät häm uqutularım belaruslarğa yardäm itergä tırışuımnı kürsätä

Profesorğa quulu säbäbe äytelmäsä dä anıñ bu turıda üz ideası bar. Ul Xartie 97 isemle Belarus xoquq yaqlau törkemeneñ internet säxifäsenä cibärgän xatında bolay dip yazğan:2006nçe yıldağı saylawlardan elek Belarus prezidentı Aleksander Lukaşenko ilne könbatış wäkillärennän çistarta başladı. Prof.Boesch Azatlıqqa birgän ängämädä Belarusta säyäsätkä qatnaşmadım opozitsiä belän elemtägä kermädem akademik häm humanitar eşçänlek şulsanda Belarus studentların çit ilgä cibärü qunaq uqutuçılar çaqırtu häm inglizçä kitap bağışları belän şägelländem dide.

Boesch(audio)

Bez AQŞtağı kitapxanä häm mäktäplärneñ iqtibarın nindider däräcädä cälep ittek.Bezgä 40meñnän artıq kitap büläk itelde. Bu kitaplarnı Belarusqa kitertü öçen üzem tülädem .Ul çaqta min Belarus mäğarif ministırlığı belän elemtägä kerep 400meñnnän artıq kitap kitertü mömkin dip äytkän idem, qızğanıç ki xökümät inglizçä kitaplarğa qızıqsınu kürsätmäde. Boesch Belarustan quuılğan berençe könbatış uqıtuçısı tügel.2004nçe yılda Alan Flowers quıldı häm aña ilgä 5yıl kerü tıyıldı. Flowers Londonnıñ Kingston Universitetında radiologie belgeçe . Anıñ quuluı säbäbe dä ber qayçan äytelmäde. Flowers ta Boesch kebek säyäsätkä qatnaşmasqa tırıştı. Ämma Flowers Belarus studentlarınıñ demokratiä yaqlı aktivlıqların arttıru öçen diskussiä klubları oyıştırdı häm alarnıñ xalıqara andıy diskussiälärgä qatnaşuları öçen yul kürsätte. Belarus studentları arasında demokratik idealar cäyelderüne däwlät yaqlamıy, Lukaşenko andıy idealardan näfrät itä ul Belarusta sovet stile mäğarifnı torğızırğa tırışa.Ütkän yılda Belarusta däwlät häm xosusi universitetlarda däwlät ideologiäse mäcbüri kurs bulıp uqıtıla başlandı.2004nçe yılnıñ iyülendä xökümät xosusi räweştä finansiälängän Yevropa Humanitar universitetın yabıp quydı. Anda könbatış ısulı uqutu alıp barıla ide häm studentlar könbatıştağı partnärları belän elemtägä kerä ala ide.Lukaşenko universitet Belarusnıñ yaña elitasın äzerli, alar ilne könbatış yağına boraçaq ,şunlıqtan ul yabıldı dip añlattı.Universitet bıyıl Litva başqalası Vilnusta yañadan açıldı .Boesch qaraşınça 2003nçe yılda eleke mäğarif ministrı Vasil Strazhaunıñ rektor itep täğäyenlänüennän soñ Belarus Däwlät Universitetında säyäsiläşterü protsesı däwam itä anıñ xalıqara elemtäläre yuq,izolatsiädä.Minem belüemä kürä Yevropada xalıqara elemtäläre bulmağan berdänber universitet bu di.Professor Boesch ike qızı belän 20nçe iyüldä Vilnusqa kitergä tieş. Ul Minskidä çığıp kit digän kürsätmä birelgännän soñ 72säğät cähännemdä yäşägän kebek buldım,Vilnusta tınıçlanırmım dip söyli färidä xämit
XS
SM
MD
LG