Britaniä xökümäte terrorğa qarşı çaralar turında qanun ölgesen täqdim itte

Britaniä eçke eşlär minsitrı Charles Clarke London şartlatularınnan soñ xökümätneñ terrorğa qarşı çaralar turında yaña qanun ölgesen täqdim itte. Clarke parlamentta bu täqdimnär Britaniäneñ ildä ektremizmnı tıyu mömkinleklären arttıraçaq dide. Anıñ äytüençä, terrorçılıqnı yaqlaw bularaq bäyälänüçe qabul itelmäslek ğämällärneñ isemlege tözeläçäk häm qağidälärne bozğan çit il watandaşları ildä aftomat räwetşä tıyılaçaq. Clarke terrorçılıqqa etärüçe yäki ruxlandıruçı wäğäzlär söyläwne, internet säxifäläre totunı yäki mäqälälär yazunı misal itep kiterde. AUDİO: Köç qullanuğa turıdan-turı etärü inde üze xäzer ük cinayät qılu dip qarala. Bu täqdim tıñlawçılarınıñ terrorçılıqqa ruxlandırıluın yaxşı belä torıp terror ğämällären turıdan turı bulmağan maqtawçılarğa häm röxsät itüçelärgä qarşı yünältelä.

Parlamentta premyer ministr Tony Blair Britaniä möselman radikalizmı problemasın çişü turında xalıqara konferensiä ütkärergä cıyına dide.