Accessibility links

җомга, 9 декабрь 2016, Казан вакыты 05:03

İdel buylap teploxodta qırği utrawdağı Sabantuyğa säyäxät


“Cäy könnärendä tatar xalqı İdel buylap teploxodta yal itärgä yarata . Ä yılğa buylap yal säyäxäte küñelleräk tä faydalıraq ta bulsın öçen säyäxät - konsert oyıştıruçılar bu uñaydan faydalanıp, tamaşaçını comğa- şimbä könnärendä teploxodlar yallap xätta keşe yäşämägän utrawğa da alıp çığalar ikän. Andıylardan berse “Aqsu” cır studiäse bulsa, ä menä bu atnada Yaña ğasır” teleradio kompaniäse “Cide yoldız” proyektı belän berlektä “promaks” oyıştırdı. Yäş cırçılar da, milli estrada belän yal itärgä yaratuçılar da, andıy reklamalarğa bik moxtac. Хәзер сезгә “Moskva-68” teploxodında häm utrawda uzğan säyäxätle konsert turında söylärbez.

Yaña ğasır” teleradio kompaniäse teploxodtağı säyäxät-konsertın “Sabantuy” dip atağan. Tatar xalqı üzeneñ milli bäyrämen- Sabantuynı “Berqayçan da keşe yäşämägän utrawda” ütkärgäne bulmağandır äle , möğayın. Cide iläktän ilänep “Cide yoldız” proyektına ütkän cırçılar belän uzğan bu konsert –säyäxättä tamaşaçılar da cırçılarnı quzğalmıyça ğına utırıp tıñlap qına tügel, ä üzläre dä cırlarğa quşılıp küñel açtılar. Menä şul bula inde ul “promaks” digän närsä. Dimäk, monda tamaşaçılar cırçılarnı yaqınnan kürep, alar belän aralaşıp yal itü qaralğan ide .

Konsert , teploxod quzğalıp kitü belän ük başlanıp kitte. Anı “Yaña ğasır” teleradiokompaniäseneñ “Cide yoldız” proyektın alıp baruçı İlnur Fäyzraxmanov başlap cibärde häm alıp bardı. Asqı qatta utırğan tamaşaçılar ğarmunçığa quşılıp cırlasalar, öske qatta “Cide yoldız” cırçıları tamaşaçılar belän diskätүk biyue oyıştırdılar.

Konsertta yäş yoldızlar -Aywaz Väliäxmätov, Nurzadä, Marsel' Vägıyzov, Läysän Xafizullina, Ğayfulla Avzalov, Liliä Sibgatova häm dä bar tamaşaçığa da bilgele cırçı Liliä Xämitova qatnaştı. “Yädkär” studiäse prodyuserı Räis Şakirov belän “Aqsu” cır studiäseneñ citäkçese Röstäm Särvärov ta bar ide .

Ä teploxod utrawğa kilep tuqtağaç, “Yaña ğasır”nıñ “Tamçı”häm “Yäşlär tuqtalışı” programmaları wäkilläre balalar öçen Sabantuy yarışları oyıştırdı. Alar qapçıq ta kiep yögerdelär, şiğer dä söylädelär, cırlar da cırladılar. Ä ciñüçelärgä “Mäğärif” kitap näşriäte tatar telendä basılğan kitaplarnı büläkkä äzerlägän ide. Şulay itep “Cide yoldız” konsert programması utrawda da, zurlar öçen dä qatıqtan aqça ezläw kebek uyınnar , cırlar belän ürelep bardı. Tamaşaçılar arasında uzdırılğan cır bäygesendä qatnaşuçılarğa büläklär , ä ciñüçelärgä 23 iyüldä oyıştırılaçaq konsert- säyäxätkä bilet büläk itelde.

Yäşlär öçen törle uyınnar, tatarça, rusça häm çit tellärdä dä yañğırağan cırlardan diskätük oyıştırıldı. İdel buylap teploxodta mondıy konsert la rkiläse atnalarda da oyıştırıla. Şular xaqında konsertnıñ prodyuserı Älfiä Xäbibullina söyli:

“Mondıy İdel buylap teploxodta oyıştırılğan programmalar iyülneñ 29 häm 30 da oyıştırıla. Häm “Qazannıñ meñyıllığına bağışlanğan programmalar 17 , 18, 19 avgustta da oyıştırılaçaq. Bilet xaqları 200 sumnan başlap 300 sumğa qädär, -dide ul.

Bu Sabantuyda cıyılğan tatarlar arasında Amerikanıñ Orizona ştatınnan Roza xanım, Hollandiädän irle –xatınlı häm balaları belän İldar belän Liliä, alarnıñ , çığışı belän Orenburg yağınnan bulğan, ä Sabantuyğa Taşkenttan qaytqan äniläre Gölcihan apa da, Yekaterinburgtan, Perm'nän, Ufadan qaytqan qunaqlar häm Qazannan kilgän bik küp tamaşaçılar bar ide.

Tabiğät'neñ matur ber poçmağında “Yaña ğasır” teleradio kompaniäse oyıştırğan säyäxät-konsertta qatnaşırğa, tuğannar belän oçraşırğa häm yalların matur häm faydalı itep ütkäräse kilgännärgä teploxodta säyäxät bik küñelle buldı. Şulay itep “Yaña ğasır” tatarça da zamança yäşärgä, tatarlarğa üzlären zamança toyarğa yärdäm itä.

, Mälikä Basıyr.

XS
SM
MD
LG