Accessibility links

якшәмбе, 11 декабрь 2016, Казан вакыты 01:32

London cämäğätçelek transportında insidentlar


London xakimiätläre berniçä insidenttan soñ 3 metro tuqtalışın evakuatsiäläde häm 3 liniäne yaptı. Alar Tönyaq, Viktoria häm Hammersmith&City limiäläre. Bu liniälärdä häm Könçığışı Londondağı ber aftobusta keçkenä şartlawlar bulğan, ämma zur bombalar şartlamağan. Britaniä premyer ministrı Tony Blair baş iminlek kiñäşçeläre belän oçraşudan soñ Londonda tormış tiz arada normäl xälgä qaytır dip ömetlänüen belderde. Anıñ äytüençä şartlawlar zarar kiterüdän bigräk qurqıtu öçen oyıştırılğan bulırğa oxşağan.

AUDİO: Bez bolarnıñ ni öçen eşlänüen beläbez. Alar keşelärne qurqıtu, xafağa, borçuğa salu öçen eşlängän. Şunısı söyeneçle älegä ul xällärdä ülüçelär bulmağan kebek. Politsiä bu oçraqta üz eşen bik yaxşı başqardı, iminlek xezmätläre dä. Häm minemçä bez tınıç reaksiä kürsätergä tieş. London politsiäse başlığı İan Blair isä ber keşe yaralanğan dide. Ämma ul täfsille mäğlümät birmäde. Politsiä Lodnon xalqın, qayda bulsalar şunda torıp torırğa, transport belän öylärenä qaytırğa aşıqmasqa çaqırdı. Politsiä äytüençä, Warren Street metro tuqtalışı yanındağı xastaxanägä qorallı politsiä kergän. Alar kieme astınnan elektr çıbıqları kürenep torğan häm qaçuçı ber keşene ezli dielä. Downing Streetta qorallı politsiä ber keşene alıp kitkän. 2 atna elek kenä Londonda metrosında 3 häm avtobusta 1 şartlaw bulıp 56 keşe ülgän, 700-läp keşe yaralanğan ide.

Naif Aqmal, Praga.
XS
SM
MD
LG