Accessibility links

чәршәмбе, 7 декабрь 2016, Казан вакыты 21:21

Paqstanda Islam suğışçılarına qarşı reydlar ütte


Paqstan prezidentı Pärwäz Möşärräf bügen il xalqına möräcäğät itep xökümätneñ İslam suğışçılarına qarşı çaraları turında söyli. Xäbärlärgä qarağanda xakimiätlär keşelärneñ yortlarına, mädräsälärgä häm başqa urınnarğa kupsanlı reydlar oyıştırıp berniçä yöz keşene totqarlağan. Bu reydlar radikal möselmannarnı borçuğa saldı häm alar comğa könne mäçetlär qarşında protest demonstratsiäläre ütkärergä çaqırdı. Bu reydlar Londonda 7-nçe iyüldäge terror höcümnäreneñ Paqstandağı ekstremistik dairälär belän bäyle bulu mömkinlege turındağı xäbärlär sürätendä ütte. Britaniäneñ Times gazetı soraw aluğa tartıluçılar arasında töp şahit Harun Räşit Äswat ta bar dip yaza. Bu keşe Londondağı şartlawlardan berniçä säğät aldaraq bombalarnı şartlatqan dip şiklänelgän keşelärgä telefonnan şaltıratqan dielä. Bügen Britaniäneñ Paqstandağı ilçese Mark Lyall-Grant isä Paqtsanda 7-nçe iyüldä Londonda bulğan şartlawlarğa bäyle qulğa alular bulmadı dide.

XS
SM
MD
LG