Accessibility links

сишәмбе, 6 декабрь 2016, Казан вакыты 21:03

Qıtay yuannı bäyäläw tärtiben üzgärtä


Qıtay üz aqça berämlege yuannı almaştırğanda bäyäläw tärtiben üzgärtäçägen iğlan itte. Bügen Pekiñ yuannı barı tik AQŞ dollarına qarap qına bäyälämiäçägen belderde. Monnan arı üzäk bank bäyä bilgeläw öçen törle çit il aqçalarınnan torğan törkemne qullanaçaq. Näticädä yuan dollarğa qarata 2 protsentqa qimmätlänä. Soñğı 10 yılda mondıy üzgäreş bulğanı yuq ide äle. Şul uq waqıtta xakimiätlär yuannı almaştıru kursın kiläçäktä dä totrıqlı itü öçen tırışaçaqları belderä. AQŞ räsmiläre inde küptännän yuannı almaştıru kursı yasalma räweştä tübän totıla häm bu Qıtay tawarlarına xalıqara bazarda ğädelsez östenlek birä dip äytep kilde. Bügen Waşington Pekiñnıñ bu qararına xuplaw belderde. Finans ministrı John Snow AQŞ yaña tärtipneñ niçek ütälüen küzätep baraçaq dide.

XS
SM
MD
LG