Accessibility links

якшәмбе, 11 декабрь 2016, Казан вакыты 17:03

Qazanda Petr l heykäle bulırmı?


Sankt-Peterburg Qazannıñ meñ yıllığına büläk itep, Petr 1 häykälen

Qazanda quyarğa cıyınğanın xäbär itkän idek. Moña qarşı, milli xäräkät, ğalimnär qarşı çıqtı. Qazanda imperatorğa häykäl bulmasın dip Piterbur merı Valentina Matvienkoga açıq xat häm imzalar cıyu başlandı. Bu könnärdä Qazanda çığa torğan ber gäzit, häykälgä Tatarstan prezidentınıñ säyäsät buyına kiñäşçese Rafael Xäkimov ta qarşı çıqqan dip xäbär itte. Häm qarşılıq aksiäse uñışqa ireşte dip yazıp çıqtı.

Azatlıq radiosına Sankt-Peterburgnıñ mädäniät komitetı matbuğat Särkätibe Krestina Jolus, Qazanda Petr lhäykäl quyu, Valentina Matvienko häm Qazan merı Kamil İsxakov arasında tözelgän kileşü buyınça eşlänä. Bu kileşü buyınça Piterbur Qazandağı Sankt-Piterburg uramın tözekländerelä. Tözekländerü proyektında Petr l häykäl dä qaralğan. Bezdä, bu qarşılıq aksiäläre turında bernindi dä mäğlümat yuq. Häm Petr imperatorğa häykäl quyu plan buyınça bara dip belderde. Azatlıqqa kilep ireşkän soñğı mäğlümatlarğa qarağanda, Piterburda Qazanğa dip äzerlängän Petr patşa häykäle inde baqırdan qoyıp quyılğan. Qazanda da, Tatarstan qunaqxanäse yänäşäsendä, häykäl urını äzerlänep betep bara. Şul uq waqıtta, tatar cämäğätçelege arasında monnan berniçä yıl elek Qazan utları jurnalında basılıp çıqqan Petr l tatar xalqına wasıäte quldan –qulğa yöri. Anda yartı dönyanı basıp alu, Rusiä başqalasın istanbulğa küçerü häm başqa şqa imperialistik niätlär turında süz bara. Räfis Cämdixan

XS
SM
MD
LG