Accessibility links

якшәмбе, 4 декабрь 2016, Казан вакыты 23:24

Tatnetçılar Qazan İzge ana ikonası turında bäxäsläşä


Bu atnada Qazanğa urıs pravoslav dönyasınıñ iğtibarı cälep itelde. 21nçe yüldä, başqalada Blagoveşenie soborı açıldı häm Qazan İzge ana İkonası qaytarıldı. Bu tema internetta da üz çağılışın taptı. Forumarda yazular kürende. İñ berençelärdän, www.intertat.ru forumında «Rinat Piterskiy» digän keşeneñ açılu xislär belän tulı xatı basılıp çıqtı. Piterburdan utırıp ul, TNV kanalı aşa 21nçe yüldä bulğan xällärne qarağan häm täesirläre belän, forum uquçıları belän büleşkän. «Rinat Piterskiy» internetta üzeneñ radikal çığışları belän tanılğan. Bu yulı da ul «Qazanda yañadan çuqındıru bara,» - digän kisken belderülär belän çağış yasadı. Başqa forumçı anıñ belän bäxäskä kerep, Rinat äfändegä üzen, xakimiätlär urınında quıyp qararğa kiñäş itä. Şundıy uq söyläşülär, www.tatforum.at.tt digän internet säxifädä dä bardı. Anda söyläşkän keşelär, İkona qaytın şulay uq yaratmadı, anı Qazannı yañadan alu belän tiñläde, Rus pravoslav çirkäwe başlığınıñ kilüen dä bu forumçılar yaratmadı. Bu tema forumçılar arasında qızıqsınu uyattı, yazuçılar küp buldı, ämma kisken qarşılıq belderü, çuqındırularnı iskä aludan başqa yaña fikerlär äytelmäde. Şuşı könnärdä «Azatlıq»qa, elektron poçta aşa, Baltaç rayonnan xat kilde. Bezneñ tıñlawçı, Rifqät Zaripov, İkona turında işetep, niçek student çağında «monostır»da yäşägänen iskä ala. Belgänegezçä, elekke Bogorodetskiy monostır binalarında studentlar tulay torağı bulğan. Rifqät Zaripov, 5 yıl buyı Äbi patşa , Peter İnçe ezlärennän basıp yörgänbez ikän, dip yaza Räfqät Zaripov. Student çağında Räfqät äfände şuşı Bogorodetskiy monostır tulay torağında yäşägän. Räfäqät Zaripov yazğança, şuşı tulay toraqta, qızlar da, yeğetlär dä yäşägän, «tramvayğa utırırlıq aqça bulmasa da, ipi belän qaynar su ğına aşap torsaq ta, ber kem zarlanmadı ul waqıtta «monostır»däge tormıştan, dip yazdı avtor. Xätta diskotekalar da biredä ütkärelgän bulğan. Rifqät Zaripov, İkona qaytuına qarşı tügel, ämma 1000 yıllıq bäyräme şuşı pravoslav dine waqiğasına ğına qaytıp qalmasın ide, di ul. Qol Şärif mäçete tözeleşen sanamağanda, İske Qazanda, tatar tarixına qağılışlı binalarğa tözüçelärneñ qulı tigäne yuq diärlek, dip belderä Baltaçtağı uqıtuçı. Räfqät Zaripovnıñ xatı bezgä internet aşa, elektron poçta yärdämendä kilde. Fikerläregez belän büleşergä teläsägez sez dä bezgä xatlar yazığız, adresıbız azatliq@azatliq.ru

Baltaç tatar yäşläre internet saytlar yasaw belän ayıruça qızıqsına. Şuşı könnärdä, yäşlär qulı belän eşlängän ber niçä yaña tatar internet säxifä açıldı. Berse - tatarça soft dip atala. Anıñ adresı tatsoft.land.ru İkençese – çiklavek.narod.ru. Tatarça soft saytı, tatarça programmalar täqdim itüçe sayt bulıp çıqtı. Bu säxifäneñ avtorı, Ranil Şarifcanov, internet sayt yasaw maqsatın bolay añlata. «Min bu sayt belän internetta tatarça programmalar ölkäsendä yazıp häm söyläşep buluın kürsätäsem kilä», di Ranil. www.tatsoft.land.ru säxifäseneñ plannar bülegendä, Ranilnıñ xıyalı belän tanışıp bula. Anda ul Batlaç turında tatarça sayt yasarğa cıyınuı xaqında yaza. Baltaçlılarğa möräcäğät itep, Ranil Şarifcanov bu eştä yärdäm sorıy, mäğlümat tuplarğa, texnik yaqtan bulışırğa çaqıra. Tuğan yağıbız turında internetta ez qaldıru, nindi matur eş, dip äytä anda Baltaç yegete Ranil.

Tağın ber sayt,www.chiklavek.narod.ru. Ni säbäple bu sayt şulay atala, sayt avtorı añlatmıy. Ämma ul anı «çın tatarça sayt» dip atıy. Anda avtor tatarça internet säxifälär tözergä teläwçelärgä buşlayğa programmalar täqdim itä, kiñäşlär birä. Niçek saytlarnı tanıtırğa, tiz arada keşelärne cälep itärgä, bolar xaqında mäğlümatlar bar. Chiklavek.narod.ru saytınıñ qızıq-mızıq digän säxifäse dä bik bay. Anda xalıq mäzäkläre dä, tatar satira ostalarınıñ çığışları da bar. Axırdan ber mäzäk.

Bazarğa ğädättägedän şaqtıy soñ kilgän äbine awıldaşları oçratalar. - Närsä, Bibicamal apa, ällä bügen azarğa peşqom kildeñme? - İ-i, qaya inde bezgä peşkomnar! Cäyäw genä kildem!

Bikä Timerova

XS
SM
MD
LG