AQŞ däwlät sekretare Condoleezza Rice bügen kötelmägändä Livanğa kilep prezident Emil Lahüd häm üterelelgän elekke premyer ministr Räfiq Häririnıñ ulı belän oçraştı.
Rice xäbärçelärgä bu säfär Livan xalqın demokratiägä omtılışları öçen täbrikläw mömkinlege birä dide.
2 ay eleke AQŞ häm xalıqara cämäğätçelekneñ köçle basımı astında Süriä Livannan ğäskärlären räsmi räweştä çığardı. Livanda uzğan ayda ütkän parlament saylawlarınnan soñ uzğan atnada yaña xökümät tözelde.
Rice bügen Livanğa kiler aldınnan İzrail'dä bulıp premyer ministr Ariel Şaron belän İzrail'neñ Gaza Sızığınnan çigenü plannarı turında söyläşte.
Şimbä könne ul Könbatış Yardağı Rammalla şähärendä fälestin xakimiäte başlığı Mäxmüt Abbas belän oçraşırğa cıyına.
