Accessibility links

дүшәмбе, 5 декабрь 2016, Казан вакыты 05:29

Sharm el-Sheikta terror höcüme


Misırnıñ mäşhür yal urını Sharm el-Sheik tä şimbägä qarşı töndä bazar häm qunaq yortlarında şartlağan bombalar 8distädän artıq keşeneñ ülemenä, 200 çaması keşeneñ yaralanuına säbäp buldı, häläk buluçılarnıñ küpçelege misırlılar, ülüçülär arasında in kimendä 8 çit il keşese bar. Dönya illäre terror ğämälen xökem itte . İzrael, qotqaru eşendä bulışlıq kürsätü öçen armiäneñ mäxsus törkemen cibärüne täqdim itte.

Comğa tönne Sharm el-Sheikneñ bazar, bar restorannarı xalıq belän tulıp taşqan çaqta Cirle säğät belän tönge 1 dän soñ qısqa aralıqlar belän 3 bomba şartlıy . Bombalarnıñ berse borınğı bazar urınında , ikese lüks otellär urınaşqan Naama Qultığında. İn qurqınıçlı şartlaw Ghazala Garden qunaq yortında bulğan. İntihar terrorçı şartlağıçlar urnaştırılğan maşina belän kilep qunaq yortına bärelgän. Öçençe bomba maşinalarnıñ tuqtalış urınında şartladı. Waqıyğä urınına yaqın başqa ber qunaq yortında bulğan beräw bolay dip añlata

şaxit(audio)

berençe şartlaw bik köçle ide , minem täräzälär açıq ide . İkençe şartlaw berençesenä qarağanda zäğifräk ide, keşelär bülmälärennän çığıp dingez buyına yögerde.

Şartlawlar öçen cawaplılıqnı 2 törkem üz östenä alğan Berse Levant häm Misırdağı Äl Qaida ,ikençese Süriä häm Misırdağı Abdulla Azzam Brigadası . Ämma älegä belderülärneñ döreslege raslanmağan.Sharm el Sheikgä kilgän Mısır eçke eşlär ministrı äl Adli

äl Adli(audio)

Terrorizmnıñ ber nindi din belän bäylenşe yuq,barlıq dinnnär üterü, gönaxsız keşene üterüne kire qağa.Alar İslamnıñ imicen boza şunlıqtan alarnıñ islam belän bäylenşe yuq.Ber törkem cinayätçelär şiğarları belän keşelärne yalğış yulğa alıp kerä, alarnıñ islam belän ber törle dä bağlanışı yuq

Sharm el Sheik Misır prezidentı Hösni Möbäräkneñ yaqın könçığış tınıçlıq summitlarında xalıqara citäkçelärne qunaq itkän urın. Dönya citäkçeläre bügen terror aktın xökem itep , Misır prezidentı Möbäräkkä qayğı urtaqlaşu kündermäläre cibärde.Ramallada Fälästin citäkçese M.Abbas belän urtaq mätbuğat oçraşuında Däwlät sekretarı C.Rice (audio) sivizatsiäle dönyada bez terror qurqınıçı aldında berdäm bulıp qarşılıq kürsätergä däwam itäçäkbez alar bezneñ tormış ısulıbıznı cimerä almayaçaq dip belderde.Qoyaş, çista dingez häm märcän qıyaları belän meñnärçä turıstnı cälep itkän Sharm el Sheiykta bügenge höcüm turizm industriäse öçen yaña orım bulıp tora.Ul äle üktäberdä Tabada bulıp alğan höcümneñ täsirennän yaña ğına qotıla başlağan ide färidä xämit
XS
SM
MD
LG