Accessibility links

җомга, 9 декабрь 2016, Казан вакыты 22:19

Yañğır «Azatlıq»qa niçek qomaçawladı?


Ütep kitkän yäşenle yañğırlar, yullarnı qaplaw belän bergä, mäğlümat çaralarınıñ eşenä dä tä’sir itte. Qazanda bu könnärdä, voleybol uyınnarı buyınça xalıqara yarışlar bardı. 24nçe yul kiçendä Yevroliga uyınnarı qısalarında Törkiä belän İspaniä voleybolçıları oçraşuı «Yaña ğasır» kanalı aşa turı efirda tapşırıldı. Şul uq räsem Yevrosport kanalına da birep barıldı. Qazanda qatı yañğır yawa başlağan minutlarda, translyatsiä tuqtap tordı. Häm televizor qarawçılar uyınnıñ ber öleşen kürmi qaldı.



«Azatlıq» radiosı tapşıruların «Yaña ğasır» aşa tıñlıy torğan tıñlawçılar da yäkşämbe programmanı işetmi qaldı. «Yaña ğasır» radiosınıñ texnik xezmäte monıñ säbäplären bolay añlattı. Sputnik tälinkäne häm başqa cihazlarnı, qatı yañğır yawu säbäple, su çılatqan. Şuña retranslyatsiäne alıp baru mömkin bulmağan. Qışın, şundıy uq xälneñ, qatı qarlar yawğanda qabatlanğanı bar. Düşämbe könne, radionıñ texnik xezmätkärläre kiräkle cihazlarnı rätkä kitergän. Alar wäğdä itkänçä, FM radioalğıçqa künekkän tıñlawıqçılar 25 yündä «Azatlıq» radiosın işetä alaçaq. Läkin, düşämbe könne qabat yañğır bulıp, cihazlarğa zıyan kilmäs dip, «Yaña ğasır» radiosınıñ texnik bülege xezmätkärläre wäğdä itä almıy.



«Azatlıq» elekke çıbıqlı radio aşa da işetelmäğäç, «Yaña ğasır» radiosında da retranslyatsiä bulmağaç, radio yabıldı, dip uylawçılar da buldı. Ämma ul alay tügel, bezneñ tapşırularnı sez ğädättägeçä qısqa dulqınnarda häm « Yaña ğasır» radiosı aşa tıñlıy alasız.

Gölnaz Şäyxetdinova, Bikä Timerova, Qazan.

XS
SM
MD
LG