Accessibility links

Кайнар хәбәр

Törle töbäklärdän kilgän cırçılar “Cide yoldız” proyektında


“Yaña ğasır” teleradio kompaniäse bu comğada Qazannıñ 1000 yıllığına bağışlanğan küñel açu çaraların Ğ.Qamal teatrı zalında ütkärde.Ul anda Rossiäneñ törle töbäklärendä yäşäwçe Tatar cırın başqaruçılarnı “Cide yoldız” proyektına cıydı.

Ğ.Qamal teatrınıñ säxnäse dä zalı da törle töbäklärdän cıyılğan millättäşlär belän şığrım tulı ide. Bu konsertta qatnaşqan cırçılarnıñ kübese Tatar cırı konkurslarında üz töbäklärendä ciñgän cırçılar ide . Häm şuşı konsertnı oyıştırğan Yaña ğasır teleradio kompaniäse kiläçäktä millättäşlärneñ icat cimeşlären kürsätep, tıñlatıp, alar belän täcribä dä urtaqlaşa alaçaq. Cırçılar arasında Yekaterinburgtan- Tatarstannıñ atqazanğan artistı Xäydär Ğıyl'fanov, Penzadan –Ğaliä Tipayıva,Tömännän- İlşat Xämidullin,Sarıtawdan- Zölfiä Moratova, Orenburgtan- Rawil Usmanov, Ural töbägennän Näzirä Yapparova, Permnän- Älfinur Turisova,Ufadan Ayrat Xalikov, Fänidä Säfärğalieva, “Altın ay” ansamble belän İlmir Ğazizullin, Mäskäwdän Rossiäneñ atqazanğan artistkası Nailä Fatıyxova, häm “İzge ay” ansamble, Qazannan Tatarstannıñ xalıq artistkası Xäniä Färxi buldı.

Tarixi säxifälär buyınça Qazan xanlığınıñ tarixı Altın Urda däwlätennän ük başlanğanı inde härkemgä mäğlüm. Konsertta cırlanğan cırlarnıñ eçtälege dä , şuşı köçle däwlätneñ yazmışın çağıldırğan cırlar ide. Küp kenä cırlarnıñ eçtälege, härkemgä qäderle bulğan, änilärgä bağışlanıp cırlandı. Şulay uq bügenge cırlar arasında fälsäfäle yünäleştäge häm sotsial' tormış turındağı cırlar da bar ide.Ufadan kilgän Ayrat Xalikov şağir Rim İdiätullin belän kompozitor Alik Loqmanov icat itkän cırnı başqardı .

Ä Penzadan çığış yasağan Ğaliä Tipaeva turında anıñ tormış iptäşe Volodyadan soraştıq.Ğaliä Tipaeva- professional' cırçı, Penzada muzıkal' uçilişçenı, Samaradağı muzıykal' akademiäne tämämlağannan soñ, 10 yıl filarmoniädä profeesional' kollektivta eşli. Häm soñınnan şul kollektivta xormeyster bulıp ta eş alıp bara. Ä 2000 yıldan ul tatar xalıq , häm populyar cırların başqara başlıy. Soñğı yıllarda Ğaliäneñ üzeneñ cırlar icat itä başlawı turında da äytep kitä anıñ iptäşe. “Cide yoldız” proyektında qatnaşuçılar geografiäse buyınça iñ kiñ tatar cır festivale tatar cır kongressına äylände .

Mälikä Basıyr.

XS
SM
MD
LG