Accessibility links

шимбә, 3 декабрь 2016, Казан вакыты 07:53

Britaniä möselmannarı terrorğa qarşı köräş turında uylana


Uzğan atnakiçtä Londonda bulğan ikençe terror höcüme omtılışınnan soñ Britaniädä küplärneñ ildä yäşäçw möselmannarnı ğäyepläwe alarnı borçuğa saldı. Möselmannar İslamda ğäyepsez keşelärne üterügä urın yuq disälär dä, bu wäzğiättä in eşlärgä ikänen açıq qına küz aldına kiterä almıylar. Beräwlär dini citäkçelär häm mäçetlär ektremistlarnı citkä tibärergä tieş di. Ämma şul uq waqıtta kemnärneñ ektremist buluın ayıra almıylar.

Londonda bulğan ikençe terror höcüme omtılışınnan soñ Britaniä möselmannarınıñ çitläşterelü häm doşman itep kürelü turında borçıluı tağın da artıp kitte. Ğadi möselmannarnı xätta möselman cämğiätläre citäkçeläreneñ premyer ministr Tony Blair belän oçraşuı da ällä ni tınıçlandıra almadı. 500-läp möselman din äheleneñ terrorçılarğa qarşı fätwası turında küplär işetmi qaldı. Terrorçılıqqa qarşı köräş turında Britaniä möselmannarında törle fikerlär bar. Britaniä möselman Şurasınıñ Mäxällälär häm mäçetlär komitetı räise, İmam İbrahim Mogra.

AUDİO: Bezneñ cämäğätkä kilep çığış yasawçılarnı ber tärtipkä kiterü kiräk. Çittän kilep çığış yasawçılar bulsa alar bezdä näfrät taratuçı wäğäzlär söyli almawların belergä tieş. Bez keşelärneñ mäçettän çittä dä näfrät taratmawına ireşergä tieş. Häm bez, ägär dä berär keşe bergäläp tatu yäşäwgä qomaçawlawçı ğämällär qılsa bu turıda xakimiätlärgä xäbär itärgä tieş.

Londonda yäşäwçe ğadi möselmannar dini citäkçelär härçaq şulay eşlärgä tieş ide di. 2 qızı bulğan 26 yäşlek Jemina:

AUDİO: Bez barıbız da berläşergä tieş. Çönki bez Britaniädä yäşibez. Şul uq waqıtta bez britaniälelär dä. Şuña kürä citäkçelärneñ yäşlärne bergä cıyıp alar eşlärgä cıyınğan ğämällärneñ barısınıñ da yalğış buluın añlatırğa tieş. Çönki yäşlär alarnı ğına tıñlıy.

38 yäşlek Xäsän Könçığış Londonda urnaşqan möselman restorannarınıñ bersendä eşli.

AUDİO: Bez bulğan närsälärneñ barısın da qatğıy ğäyeplibez. Min bu aynıñ 7-sendä häm uzğan atnakiçtä bulğannarnı da küz aldında totam. Ägär min politsiä başlığı bulsam, britaniä politsiäse kebek eşlämägän bulır idem, alarnıñ şul könne ük ütergän bulır idemder. Äyye, alar möselman bulırğa mömkin. Ämma alar möselman tügel. Bez alarğa ışanmıybız. Bez monda yäşibez häm bez xakimiätlärgä yardäm itärgä tieş. Londonnıñ möselmannar şaqtıy küp tuplanğan ikençe ber rayonında eşläwçe 45 yäşlek İbrahim ekstemistlarnı bar keşe aldında möselman cämäğätlärennän quıp çığarırğa kiräk di hä terrorğa qarşı fätwa köräş ısullarınıñ berse dip isäpli.

AUDİO: Bezneñ 500-läp ğölämä andıy ğämällär qıluçılar möselman tügel digän fätwa çığardı. Ägär berär möselman yamanlıq qılsa ul bezneñ dairädä bula almıy. Ul bu dairädä bulmıy, bezneñ dini çämäğättän çığa. Şul uq rayondağı ber bankta eşläwçe Näsim ul höcümnärdä qatnaşuçılar İslamnıñ doşmannarı di.

AUDİO: Alar çın möselmannar tügel. Keşegä Ässälämäğäläyküm digändä tınıçlıq teliseñ. Ä bu tınıçlıq tügel. Mäçetlärdä wäğäz söyläwçelär bezneñ cämğiätneñ citäkçeläre berläşep bezgä ni eşlärgä ikänen añlatırğa tieş.

30 yäşlek Möxämmät bu ğämällärne dönya säyäsäte belän bäyläp añlata.

AUDİO: Bu kübräk säyäsät belän bäyle. Axır çiktä bu keşelärneñ Britaniälelärgä qarşı terrorı Berençe Farsı qultığı suğışı belän, Amerikannarnıñ Söğüd cirenä kilep töşüe belän bäyle. Hämmä närsäneñ säbäbe şuña barıp totaşa.

Möxämmät amerikalılar belän britaniälelär Fälestin mäs''äläsen çişü turında wäğdälären ütämi torıp terror höcümnäre tuqtamıyaçaq di.

Kibettä satuçı bulıp eşläwçe Şabana Möselmannar ni eşli ala digän sorawğa:

AUDİO: Demonstratsiälär, televidenie yäki radio tapşıruları, gazetlar yäki jurnallar aşa bu närsälärne añlatıp, terrorçılıqnıñ barlıq törlären ğäyepläp bula. Şabana fikerençä, Möselmannarnıñ terrorçılarnı qatğıy ğäyepläwe yaman närsälär señderelgän üsmerlärne däwalarğa tieş.

Naif Aqmal, Praga.
XS
SM
MD
LG