Accessibility links

шимбә, 3 декабрь 2016, Казан вакыты 14:44

Ğiraq konstitusiäsen äzerläwçe komitetnıñ sönni äğzaläre ber atnalıq baykotnı tuqtattı


Ğiraq konstitusiäsen äzerläwçe komitetnıñ sönni ğäräp äğzaläre uzğan atnada iğlan itkän baykotnı tuqtattı. Komitetnıñ sekretare Humam Hamudi, 12 keşe bügen utırışqa qatnaştı, dip belderde. Uzğan atnada töp qanun ölgesen äzerläwgä qatnaşqan ike keşegä höcüm bulğannan soñ, sönni ğäräplär eşkä baykott beldergän ide. 15 avgustqa qädär Ğiraq parlamentı konstitusiä ölgesen raslarğa tieş. Üktäber ayında isä ilneñ töp qanunı referendumğa quyılaçaq. Ul arada Ğiraqta köç qullanu kimemi, bügen irtän Bağdadta ike intixarçı maşinaların şartlattı, kimendä 7 keşe häläk buldı, 14e yaralandı. Kiçä başqalanıñ könçığışında intixarçı yök maşinası belän polisiä binasına bärep kerep üz üzen şartlattı, näticädä kimendä 22 keşe häläk buldı. Samarra şähäre yanında yul buyında bomba şartlap 1 amerikan xärbie häläk buldı. Associated Press agentlığı xisabına qarağanda, 2003nçe yılnıñ martında suğış başlanğannan birle Ğiraqta kimendä 1777 amerikan xärbie häläk bulğan.

XS
SM
MD
LG