Yuğarı uqu yortlarında barğan kerü imtixannarı bügen Tatarstandağı hawa torışına oxşağan. Ber qarasañ bik qızu, hawaları börkü, ä berniçä minuttan şabırdap yañğır yawıp kitä, dawıl kilä. Yuğarı mäktäpkä uqırğa kerü berwaqıtta da tınıç häm ciñel genä barmadı. Ämma bıyılğı imtixannar Qazanda ğädättägedän dä qızuraq bara. Çönki meñellıq aldınnan Qazanda yäşärgä, uqırğa kerüçelär kübäyde. Şähärdäge üzgäreşlär, yullarnıñ kiselgän buluı ğilem tawlarına omtılışnı köçäytte. İnstitut binaları Kievta yäki Bişkekta qızğıltları inqilabçılar uratıp alğan xökümät binaların xäterlätä. Ämma höcüm itkändä tayaq belän täräzä watu itmäyäçäk, barı belem açqıçları belän genä açıp bula bu işeklärne. Şuña qaramastan institut işekläre tiräsendä bik köçle saq quyılğan. Jurnalist tanıqlığın kürsätep tä institut binalarına kerep bulmıy.
Qazan universitetınıñ tatar filologiäse häm tatar jurnalistikası büleklärenä niçek tä cayın tabıp kerep kitä aldım. Monda da xällär ciñel tügel. Tatfaknıñ byudjet bülegendä buşlay uqırğa 70 keşe alınaçaq. Ğariza birüçelär 200dän artıp kitkän.
Tatar jurnalistikasına kerergä teläweçlärneñ dä käyefläre kierenke. Bu belgeçlek buyınça bıyıl 13 kenä keşe alına. 53 keşe ğariza birgän, şularnıñ 10 xäzer imtixanda qatnaşmıy. Kommerçeskiy bülektä yäki aqça tüläp uqı torğan bulaçaq tatar jurnalistları köndezge uquda uqır öçen yılına 25.500 sum tülärgä tieş, ä çittän torıp uqığan öçen 15 meñ sum tüli. Xäzergä monda 4 keşe ğariza birgän. Ämma köndezge uquğa elägä almawçılar tüläwle yäki çittän torıp uquğa teläk beldersä, monda da konkurs bulaçaq. Rus jurnalistikasında konkurs tağın da zurraq. Ber urınğa 13-14 abiturient turı kilä. Şulay da härkem bäxetkä ömetlänä.
KDUnıñ iqtisat fakul'tetında ber urınğa 12 keşe. Abiturientlarnıñ öçtän bere medal' iäse. Finans iqtisat institutınıñ iqtisat fakul'tetında ber urınnı 4 keşe däğwälı. Läkin härkem ciñügä layıqlı häm çigenergä telämi. Küplärneñ artında quätle häm xälle köçlärneñ dä buluı ser tügel.
Elekke КAİ xäzerge Qazan texnologiä universitetında keşelär belän eşläw bülegendä ber urınğa 24-25 keşe däğwälı. Çönki däwlät tarafınnan nibarı 5 kenä urın bülengän. Ğilem alır öçen härkem köräşä.
Qazan vuzlarınıñ bersendä dä xärbi kafedra qaldırılmasa da, byudjet urınnarı kimesä dä, barıber ğilem taşın kimerergä teläwçelär bu könnärdä armıy-talmıy köräşä. Studentlar qalası dip sanalğan Qazanda bu könnärdä ğilem öçen bäyge däwam itä.
Al'bina Zäynulla, Qazan.
Qazan universitetınıñ tatar filologiäse häm tatar jurnalistikası büleklärenä niçek tä cayın tabıp kerep kitä aldım. Monda da xällär ciñel tügel. Tatfaknıñ byudjet bülegendä buşlay uqırğa 70 keşe alınaçaq. Ğariza birüçelär 200dän artıp kitkän.
Tatar jurnalistikasına kerergä teläweçlärneñ dä käyefläre kierenke. Bu belgeçlek buyınça bıyıl 13 kenä keşe alına. 53 keşe ğariza birgän, şularnıñ 10 xäzer imtixanda qatnaşmıy. Kommerçeskiy bülektä yäki aqça tüläp uqı torğan bulaçaq tatar jurnalistları köndezge uquda uqır öçen yılına 25.500 sum tülärgä tieş, ä çittän torıp uqığan öçen 15 meñ sum tüli. Xäzergä monda 4 keşe ğariza birgän. Ämma köndezge uquğa elägä almawçılar tüläwle yäki çittän torıp uquğa teläk beldersä, monda da konkurs bulaçaq. Rus jurnalistikasında konkurs tağın da zurraq. Ber urınğa 13-14 abiturient turı kilä. Şulay da härkem bäxetkä ömetlänä.
KDUnıñ iqtisat fakul'tetında ber urınğa 12 keşe. Abiturientlarnıñ öçtän bere medal' iäse. Finans iqtisat institutınıñ iqtisat fakul'tetında ber urınnı 4 keşe däğwälı. Läkin härkem ciñügä layıqlı häm çigenergä telämi. Küplärneñ artında quätle häm xälle köçlärneñ dä buluı ser tügel.
Elekke КAİ xäzerge Qazan texnologiä universitetında keşelär belän eşläw bülegendä ber urınğa 24-25 keşe däğwälı. Çönki däwlät tarafınnan nibarı 5 kenä urın bülengän. Ğilem alır öçen härkem köräşä.
Qazan vuzlarınıñ bersendä dä xärbi kafedra qaldırılmasa da, byudjet urınnarı kimesä dä, barıber ğilem taşın kimerergä teläwçelär bu könnärdä armıy-talmıy köräşä. Studentlar qalası dip sanalğan Qazanda bu könnärdä ğilem öçen bäyge däwam itä.
Al'bina Zäynulla, Qazan.
