Accessibility links

якшәмбе, 4 декабрь 2016, Казан вакыты 17:30

Gruziä: Goridäge şartlawda rus xärbiläreneñ qatnaşı bar


25.iyüldä Gruziä räsmiläre ildä sonğı waqıtlardağı şartlawlar şulsanda Osetiä çigenä yaqın Goridä 3 politsiäneñ ülemenä säbäp bulğan maşinada şartlatılğan bomba öçen Rusiä küzläw idaräse xezmätkärlären ğäyebläde. Rusiä höcümnärdä ber törle dä qatnaşı yuq dip äytep, ğäyepläwne provakatsiä dip bäyäläde. Gruziä Rusiä mönäsäbätläre şaqtıy kierenke

Gruziä eçke eşlär ministrı İvane (vano) Merabişvili Goridä 1.Fevraldä 3 politsiäneñ ülemenä säbäp bulğan şartlawda qatnaşı bar dip şiklänelgän ike keşe ütkän atnada qulğa alındı dide

Merabişvili(audio)

Min sonğı 6 ayda ğädättän tış profesionalizm kürsätkän kontrrazvedka departamıntına räxmätläremne belderäm.Alar terror höcümen oyıştıruçılarnı tabıp qulğa aldı.Goridä maşinanı şartlatqan 2 keşe qulğa alındı, alar Gruziä qanunnarına esasän xökemgä tartılıçaq.

Merabişvili bu mäsälädä tağı 6 keşeneñ qatnaşı bar dide. Düşämbedä 3.keşe qulğa alınğan . Gruziä räsmiläre şartlaw öçen Könyaq Osetiä separatistları cawaplı dip şiklände.Ämma Merabişvili totqınnardan alınğan mäğlümät tikşerüçelärne, höcüm Russiä armiäseneñ GRU bülege polkovnige Anatoli Sysoyev tarafınnan planlaştırılğan digän nätcägä kiterde dide. Ministır yanında Gruziä Parlamentınıñ saqlanu häm iminlek komitetı citäkçese Givi Targamadze dä bulğan Ul Russiä könyaq Osetiene Gruziä mänfäğätlärenä sabotaj yasau öçen baza bularaq qullana di

Targamadze(audio)

Bik qızğanç ki Rusiäneñ turıdan turı bezneñ eçke konfliktqa (Könyaq Osetiägä) tıqşına digän şiklänülebez nigezle. Ruslar sabotörlarnı künegüdän ütkärä.Ütkändä bez bu turıda mäğlümätebez bar dip äyttek. Bu törkemnär şaqtıy zur -120keşe keşe çaması.Annan başqa Gruziä territoriäsendä küp kenä rus agentları bar.

Eçke eşlär ministırlığı soñraq politsiä videosın kürsätte. Anda Gori höcümenä qatnaşqan bulırğa tieşle totıqlarnıñ berse kürenä.Tikşerüçelär anı küptän tügel genä isemen Valiyevqa üzgärtkän görce Gia Valişvili dip äytä. Valiev videoda üze häm berektäşläreneñ höcümne planlaştıruın , 70 kilogramma trotil yöklängän maşinanı Gorinıñ baş politsiä stansiäse aldına kiterep quyuın añlata.Valiyev höcümne İgor isemle rus keşese äzerläde .İgor şartlağıçlarnı tämäkä paketına yäşerelgän detonatorğa totaştırıp Tämäkä paketın maşinnıñ uñ yaqtağı tartma-bardaçokka quyunı täğdim itte dide

Valiyev (audio)

Şartğıçlarnıñ mäxsus detonatorın İgor äzerläde. mexanizm Yava tämäkese paketına yäşerelde,pakettän çıqqan çıbıq şartlağıç kapsulğa totaştırıldı. Paket çitendä yalğağıç quyıldı . mexanizm aktivlaştırılsa maşina häm başqaları urınınnan quzğaltılmasa şartlaw 15 minut eçendä ,quzğatılğan oçraqta 2 säğät eçendä bulırğa tieş ide.

Valiyev, Anatoli Sysoyev isemen telgä almadı. Ämma Gruziä tikşerüçeläre GRU keşese belän Valiyevneñ İgor dip atağan zat , şuluq şäxeslär di. Bügen kürsätelgän politsiäneñ yaña videosında Valiev tikşerüçelärgä, İgor häm GRUnıñ başqa xezmätkärläre Könyaq Osetie başqalasında Rusiä tınıçlıq ğäskärläre belän başkvartira oyıştırğannarın äytä.

Valiev(audio)

2004nçe yılnıñ 15.augustında GRU bezne Tönyaq Osetiägä Daryal Gorgegä alıp bardı.Bez Rusiä armiäseneñ 58.bazasında künegüdän üttek. İnstruktırlar rus ide.Alar bezgä törle qorallarnı qullanu , minalar urnaştıru häm awır cihazlar qullanunı öyrätte.Bazada könyaq Osetiädän 90lap keşe idek.

Gruziä räsmiläre Rusiä xökümäteneñ höcümgä qatnaşı bar dip äytmäs öçen saqlıq kürsätsä dä , ğäyepläwlär Mäskäwneñ açuın çığardı.Tiflistağı Rusiä ilçelege süzçese Yevgeni İvanov Rusiäneñ Gori höcümenä qatnaşı buluın kire qağıp,

İvanov(audio)

Bez Rusiä räsmiläre yäki xökümät oyışmalarınıñ Gruziä territoriäsendä legal bulmağan aksiälärgä qatnaşuın qatğıy räweştä kire qağabız

Rusiä saqlanu ministırlığı süzçese Sedov ORT televidiäsenä birgän komentarında şulayuq Merabisşvilinıñ ğäyepläwlären kire qaqtı.Sedov görcelärneñ qalqluqtan tau yasau yäğni küpertü ğädätläre bar, ämma monda in keçkenä närsä dä yuq ide dip äytkän.Rusiä tışqı eşlär ministırlığı belderüendä Tiflis äytkännäre Könyaq Osetiädä wazğiätne normalläştermägän kebek Rusiä-Gruziä mönäsäbätläreneñ yaxşıruına da yardäm itmiäçäk dielä. färidä xämit
XS
SM
MD
LG